Հայաստանում անկայունության օջախներ են ձեւավորվում

Ժողովրդավարական հայրենիք կուսակցության նախագահ Պետրոս Մակեյանը ողջունում է Նիկոլ Փաշինյանի՝ Շանթ հեռուստաընկերությանը հետ հարցազրույցում հնչեցրած այն հայտարարությունը, որ ՏԻՄ ընտրությունները պետք է անցկացնել համամասնական ընտրակարգով եւ պայքարը պետք է գնա կուսակցությունների միջեւ: Մակեյանը հիշեցնում է Աբովյանի քաղաքապետի ընտրություններից հետո իրենց կուսակցության տարաած հաղորդագրությունը, որով արձանագրել էին հեղափոխության առաջին հաղթանակը.<<Մենք արձանագրեցինք, որ հեղափոխությունը պարտվեց նախկին քրեաօլիգարխիկ համակարգին>>:

-Պարոն Մակեյան, ինչ է նշանակում այդ հայտարարությունը, արդյոք իշխանությունը Նիկոլ Փաշինյանի վարկանիշի օգտագործմամբ փորձելու է նվածել համայնքները:

-Ես ողջունում եմ այդ հայտարարությունը, քանի որ Հայաստանում որպես կանոն ՏԻՄ ընտրությունները վերածվել են ծանոթ, բարեկամի, թաղային հեղինակությունների ընտրություն: եւ ճիշտ , որ պայքարը տանել ոչ թե անհատների, այլ կուսակցություննրի միջեւ: Բայց մինչեւ դրան հասնելը պետք է նա կայանան կուսակցությունները, որովհետեւ քսան տարի շարունակ կուսակցություներն իմիտացիոն բնույթ են կրել:

-Սա նշանակում է, որ Նիկոլ Փաշինյանի կուսակցությունը նույպես մեկ անձի վրա ձեւավորած թիմ է եւ եթե չկա իր անունը, ինչ թեկնածու էլ ուզում է լինի, չի կարող հաղթել:

-Անձ-կուսակցությունը Հհայաստանի վերջին տասնամյակների հիվանդությունն է, դրա համար եմ ասում, որ քաղաքական դաշտի կայացման համար պետք է նախ կայանան կուսակցությունները: Իմ Կարծիքով ՔՊ-ում բավարար կորիզ կա, որպեսզի դառնա լուրջ կուսակցություն, նայած թե ինչպես կաշխատեն իրենք, ինչ զարգացման ուղի կբռնեն, չի բացառվում, որ գնան այն ճանապարհով, որը ՀՀԿ-ն: Ոչ վաղ անցյալում ՀՀԿ-ն ունեն 300 հազար անդամ, հիմա 3 հազար էլ չկան:

-Նիկոլ Փաշինյանի հայտարարությունները, դաշտը սեւի ու սպիտակի բաժանելը, սեւ համազգեստավորների փնտրտուքը թույլ կտա՞, որ քաղաքական դաշտը կայանա:

-Ես սեւ շորերի մասին հայտարարությունից հասկացա, որ նման օպերատիվ տեղեկություն կա, եւ մենք տեսանք, որ խոսքը Ադեկվատների մասին է, հինգերորդ շարասյան:

-Իշխանությանն ով քննադատում է, հինգերրորդ շարասյուն է, պետք է իշխանությանն ընդդիմություն, թե՞ ոչ:

-Մենք, այո, ընդդիմություն չենք, մենք աջակցել ենք հեղափոխությանը եւ հիմա էլ մեր քննադատություններով փորձում ենք մատնանշել իշխանության սխալները, հստակ ասում են՝ որտեղ է վրիպակը, որտեղ են սխալվել: Այնպես չէ, որ մենք չենք քննադատում, բայց այդ Ադեկվատ ասածը ոչ քաղաքական միավոր է, ոչ էլ, դա հայհոյանք է:Հայաստանում չկա ընդդիմադիր բեւեռ, բեւեռի ձեւավորման հայտ են ներկայացրել Ռոբերտ Քոչարյանն ու Սերժ Սարգսյանը, դա հինգերորդ շարասյունն է, ընդդմադիր բեւեռ չէ: Հայաստանում կա իշխանություն եւ կա հինգերորդ շարասյունը իր բրիգադաներով, որոնք երկրում անկայունության օջախներ են ձեւավորում: եւ աղճատում քաղաքական դաշտը: Որպեսզի կայանա քաղաքական դաշտը, պետք է անհապաղ փոխել Կուսակցությունների մասին օրենքը, Ընտրական օրենսգիրքը եւ Սահմանադրությունը, սրանք են քաղաքական դաշտի կայացման նախապայմանները:

Հարցազրույցը՝Անի Սահակյանի