Վեթինգի նախագծի շուրջ կարծիքները տարբեր են, չի բա­ցառվում, որ իշխանությունը գնա նոր կառույց ստեղծելու ճանապարհով

Ժողովուրդը գրում է. «Դեռևս մայիսի 21-ի` «Իմ քայլը» խմբակ­ցության փակ նիստում որոշում է կայաց­ված եղել սկսել վեթինգի նախագծի մշակման աշխատանքներ: Երեկ խմբակ­ցության ղեկավար Լիլիթ Մակունցը «Ժո­ղովուրդ» օրաթերթի հետ զրույցում նշեց, որ աշխատանքները լայն թափով ընթա­նում են, և նպատակն է շատ արագ ավարտել այդ գործընթացը:

Մակունցը մեզ հետ զրույցում ընդգծեց, որ նախագծի շուրջ կարծիքները տարբեր են, և չի բա­ցառվում, որ գնան վեթինգ իրականաց­նող նոր կառույց ստեղծելու ճանապարհով: «Մենք ասացինք, որ ուսումնասիրու­թյուններ և քննարկումներ ենք արել, հի­մա փորձում ենք այդ ամենը հանձնել թղ­թին և սահմանել մեզ համար, թե որ ուղ­ղությամբ ենք գնում:

Այդ ուսումնասիրու­թյունները տարբեր մարդիկ են արել՝ խմ­բակցության անդամներ, փորձագետներ, կառավարությունում էլ կա աշխատանք կատարած: Մենք խնդիր ենք դրել հնարավորինս սեղմ ժամկետում անել, սակայն, թե դա կլինի մեկ ամիս կամ ավել, չեմ կա­րող ասել: Պետք է հստակեցնենք՝ այն տարբերակները, որ առկա են, որն է ավե­լի լավը: Օրինակ՝ ո՞ր կառույցն է այն իրա­կանացնելու, պետք է ստեղծվի՞, թե գոր­ծող կառույցներից կընտրվի»,- նշեց նա՝ ասելով, թե նախագծի շուրջ երկար են քննարկումները: Մակունցը չբացառեց նոր ինստիտուտի ստեղծումը, քանի որ կա այդպիսի պրակտիկա, և այդ տարբերակը ևս կարող է աշխատել»,-գրում է թերթը:

Նյութն ամբողջությամբ կարդացեք թերթի այսօրվա համարում: