Թուրքիայի դատախազությունը հետաքննություն է սկսել Ցեղասպանությանն անդրադարձ անող «Ստամբուլի բիճը» վեպի հեղինակի նկատմամբ
Թուրքիայի դատախազությունը հետաքննություն է սկսել մի շարք գրողների, այդ թվում՝ Հայոց ցեղասպանության թեմային անդրադարձ կատարող «Ստամբուլի բիճը» վեպի հեղինակ Էլիֆ Շաֆաքի նկատմամբ, հայտնում է The Guardian-ը:
Իշխանությունները հետաքննություն են սկսել այն գրողների նկատմամբ, որոնք իրենց ստեղծագործություններում անդրադառնում են վիճահարույց թեմաների, այդ թվում՝ երեխաների նկատմամբ սեռական բռնությանը, մանկապղծությանը: Նրանք մեղադրվում են այդ երևույթների խրախուսման համար:
Մասնավորապես Էլիֆ Շաֆաքը նշել է, որ վերջին երկու օրվա ընթացքում սպառնալիքներով հազարավոր հաղորդագրություններ է ստացել:
«Սա մեծագույն ողբերգությունն է: Այս ամենը վերածվել է վհուկների որսի»,-նշել է նա:
Հետևեք մեզ Viber-ում
