Թուրքմենստանի նախագահն ու Մեդվեդևին զբոսանել են «Վոլգա»-ով և Մեդվեդևը շան ձագ է նվեր ստացել
Ինչպես հայտնում է gazeta.ru-ն, Թուրքմենստանի նախագահ Գուրբանգուլի Բերդիմուհամեդովն իր ԳԱԶ-21 «Վոլգա» մեքենայով անձամբ է գնացել Աշխաբադ ժամանած ՌԴ վարչապետ Դմիտրի Մեդվեդևի հետևից՝ հյուրանոց, ինչից հետո բարձրաստիճան պաշտոնյաները մեքենայով կարճ զբոսնել են մայրաքաղաքով:
Հետո Բերդիմուհամեդովն ու Մեդվեդևը գնացել են նախագահական նստավայր, որտեղ աշխատանքային նախաճաշ են ունեցել:
Թուրքմենստանի նախագահը բարձրաստիճան հյուրին ալաբայ ցեղատեսակի շան ձագ է նվիրել, կենդանին մոտեցել է Մեդվեդևին ու պառկել վարչապետի ոտքերի մոտ:
«Արդեն նոր տեր է գտել ու նրան ճանաչում է»,-անմիջապես նկատել է Բերդիմուհամեդովը:
Հետևեք մեզ Viber-ում
