Ձերբակալվել է 2 անձ. Սամվել Բաբայանի հետ կապված միջադեպը փողային պարտքի թեմա է եղել

11:09 - 31/մայիսի/2019

Սամվել Բաբայանի համակիրների ուղղությամբ հրազենից կրակ արձակող անձանցից երկուսը երեկ ձերբակալվել են:

168 ժամին փոխանցված տեղեկությունների համաձայն՝ իրականում Սամվել Բաբայանի համակրներին հետապնդող մեքենաներում եղել են մարդիկ, ովքեր Սամվել Բաբայանի հետ փողային խնդիրների մեջ են երկար ժամանակ:

Ուշագրավն այն է, որ Սամվել Բաբայանն ինքն էլ այս անձանց հետ պարտք ու պահանջի թեմաներով մինչ այդ հանդիպումներ է ունեցել, սակայն քաղաքական դիվիդենտներ հավաքելու նպատակով որոշել է արկածախնդրորեն այն կապել ԼՂՀ նախկին Վարչապետ Արայիկ Հարությույնաի հետ:

Մայիսի 29-ի գիշերը՝ ժամը 03։30-ի սահմաններում, Սևան- Մարտունի ավտոճանապարհին պատահած միջադեպը Սամվել Բաբայանը ներկայացրել էր իբրև քաղաքական հետապնդում՝ կապված Արցախի նախագահական ընտրություներին իր թեկնուծությունն առաջադրելու և իր քաղաքական ձգտումների հետ՝ հատուկ նշելով՝ «Այս բանդաները իրենց պարագլուխներով ծառայում են ԱՀ նախկին վարչապետ, իսկ հիմա ԱՀ նախագահի թեկնածու , «Ազատ Հայրենիք» կուսակցության նախագահ Արայիկ Հարությունյանին»,

Նշենք, որ դեպքի առթիվ Քննչական կոմիտեում հարուցված քրեական գործի շրջանակներում ձերբակալված երկու անձիք երևանցիներ են՝ Ալեքսեյ Բալայանն ու Ռոլանդ Այդինյանը: Վերջիններս ձերբակալվել են զենք կամ որպես զենք օգտագործվող առարկայի գործադրմամաբ խուլիգանոթյւոն կատարելու ինչպես նաև ապօրինի զենք կրելու կասկածանքով: