Ֆրանսիայում մեկնարկել են «դեղին բաճկոնների» 28-րդ շաբաթօրյա ցույցերը
Ֆրանսիայում այսօր անցկացվում են «դեղին բաճկոններ» շարժման հերթական՝ 28-րդ համազգային բողոքի շաբաթօրյա ցույցերը:
Ինչպես հաղորդում է ТАСС գործակալությունը՝ հղում անելով ֆրանսիական աղբյուրին, Փարիզում ցույցի հարյուրավոր մասնակիցներ հավաքվել են «Պեր Լաշեզ» ազգային գերեզմանատան մոտ և Բաստիլի հրապարակով շարժվել դեպի Մանմարտրի գագաթին գտնվող Սակրե կյոր բազիլիկ:
Ոստիկանության աշխատակիցները, ովքեր ստուգումներ են իրականացնում ցուցարարների շրջանում, ձերբակալել են 64 մարդու:
Տեղեկություններ բախումների մասին չկան:
«Դեղին բաճկոնների» բողոքի ակցիաները սկսվել են 2018 թվականի նոյեմբերի 17-ից՝ ինչ հայտարարվեց վառելիքի հարկի և բենզինի գների ավելացման մասին:
Հետևեք մեզ Viber-ում
