Մտահոգություններ ունենք. ԱԽՔ-ն՝ Հայաստանում դավադիր ուժերի մասին (video)
«Հայ-ռուսական հարաբերություններում որևէ խնդիր չեմ տեսնում :Այդ հարցը մեկ տարվա հնության հարց է։ Իմ մակարդակով մենք ակտիվ աշխատում ենք, ես իմ գործընկերոջ հետ ակտիվ կապերի մեջ եմ։ Հունիսի 18-ին Ռուսաստանում հանդիպում կունենանք Պատրուշևի հետ, հետագայում նա ևս կայցելի Հայաստան», - կառավարության նիստից հետո լրագրողների հետ զրույցում, պատասխանելով հարցին, թե ավելի վաղ հանդես է եկել այդ հարաբերություններին դեմ և եղել է արևմտամետ գործիչ,նման պարզաբանում տվեց Անվտանգության խորհրդի քարտուղար Արմեն Գրիգորյանը:
Ավելի վաղ Իրանում, այս օրերին էլ Երևանում ՀՀ վարչապետը խոսել է Հայաստանի դեմ իրականացվող դավադրությունների մասին, ի՞նչ դավադրության մասին է խոսքը, հարցրեցին լրագրողները,ինչին ի պատասխան նա ասաց. «Վարչապետը հնարավորինս պարզ խոսել է դրա մասին։ Իրականում նման մտահոգություններ մենք ունենք։ Իհարկե, դրա մասին շատ բաց խոսելը որոշակի սահմանափակումներ ունի։ Այն, ինչ հնարավոր է եղել, բաց խոսվել է, մնացածի մասին, եթե անհրաժեշտություն լինի, հետագայում ավելի մանրամասն կխոսենք»։
Հետևեք մեզ Viber-ում
