Թուրքերի և քրդերի միջև բախումներ՝ Գերմանիայում

Գերմանիայի մի շարք խոշոր քաղաքներում կիրակի տեղի են ունեցել ցույցեր Թուրքիայի կառավարության քաղաքականության կողմնակիցների և պատասխան բողոքի ակցիաների՝ նախևառաջ քրդերի և ձախ խմբերի ներկայացուցիչների մասնակցությամբ: Այս մասին հայտնում է TASS-ը: Գերմանիայի իրավապահ մարմինների տեղեկությամբ՝ որոշ դեպքերում բանը հասել է ցուցարարների բախումների միմյանց և ոստիկանության հետ, որը ձգտել է բաժանել հակառակ ճամբարների անդամներին: Այսպես, Շտուտգարտում մի շարք քրդեր և «ձախեր» իրավապահների վրա նետել են քարեր և պիրոտեխնիկա. տուժել է 5 ոստիկան: Քյոլնում ցուցարարները միմյանց վրա նետել են շշեր և պիրոտեխնիկական նյութեր: Ժամանակավորապես ձերբակալվել է առնվազն 24 մարդ: Առանձին բախումներ են տեղի ունեցել Համբուրգում և Մայնի Ֆրանկֆուրտում: Հարյուրավոր թուրքեր և քրդեր մասնակցել են ցույցերի նաև Հանովերում, Բրեմենում և Բիլեֆելդում: Ոստիկանության հաղորդմամբ՝ այնտեղ ակցիաները համեմատաբար խաղաղ են անցել: