Տեղի կունենա ԱՊՀ կառավարությունների ղեկավարների խորհրդի նիստ

ԱՊՀ կառավարությունների ղեկավարների խորհրդի նիստը ծրագրվում է 2016 թվականի հունիսի 7-8-ն անցկացնել Բիշքեկում: Այս մասին հայտնել է այս տարի ԱՊՀ-ում նախագահող Ղրղզստանի ԱԳ նախարար Էռլան Աբդիլդաևը՝ ամփոփելով ԱՊՀ արտաքին գործերի նախարարների խորհրդի ապրիլի 8-ին Մոսկվայում կայացած նիստի արդյունքները: Այս մասին փոխանցում է TASS գործակալությունը։ «Մեր նախագահության շրջանակներում Ղրղզստանի Հանրապետության մայրաքաղաք Բիշքեկում 2016 թվականի հունիսի 7-8-ին կանցկացվեն ԱՊՀ կառավարությունների ղեկավարների խորհրդի, 2016 թվականի սեպտեմբերի 15-ին՝ գագաթնաժողովի նախաշեմին՝ արտաքին գործերի նախարարների խորհրդի նիստերը»,-հայտնել է Աբդիլդաևը