36 զոհ, 21 անհայտ կորած, 122 վիրավոր. Արցախի ՊԲ

Անցած օրվա ընթացքում բանակի պաշտպանության գոտում օպերատիվ իրադրությունը լարվածության առումով բավականին նվազել էր, նկատվել էր առանձին ուղղություններով հրաձգային զենքից հրաձգության դեպքեր, առավել հաճախ հյուսիսային ուղղությամբ, որի արդյունքում վիրավորում է ստացել ևս մեկ զինծառայող: Այս մասին Արցախի Պաշտպանության բանակի օպերատիվ իրազեկման կենտրոնի մամուլի ասուլիսի ժամանակ ասաց  ԼՂՀ Պաշտպանության բանակի օպերատիվ բաժնի պետ, գնդապետ Վիկտոր Առուստամյանը: Նա հայտնեց, որ իրականացրած գործողությունների արդյունքում ՊԲ ստորաբաժանումների կողմից խոցվել է հակառակորդի ևս մեկ անօդաչու թռչող սարք: Նա ներկայացրեց ամբողջ գործողությունների ընթացքում ճշտված տվյալները, ըստ որի՝ ապրիլի 1-ից մինչև 7-ը Պաշտպանության բանակի ՝ զոհվածների թիվը  կազմում է  36. սպաների և ենթասպաների՝ 9-ը, սերժանտների, շարքայինների, պայմանագրերի զինծառայողների՝ 27: Իսկ վիրավորների թիվը՝ 122, որից սպաներ և ենթասպաներ են 24-ը,  սերժանտներ, շարքայիններ, պայմանագրային զինծառայողներ՝ 98: Նա նշեց, որ թվերի փոփոխությունը կախված է նրա հետ, որ ինչպես ներկայացրեց հակառակորդի կողմից մեկ վիրավորի դեպք է եղել: «Զոհվածների քանակը չորսով աճել է, պայմանավորված նրանով, որ մարտադաշտում որոնման աշխատանքների արդյունքում հայտնաբերվել է ևս չորս զինծառայողի դի»,- ասաց նա: