Սենսացիա. Ցուկերբերգին ցանկանում են հեռացնել Facebook-ի տնօրենների խորհրդի ղեկվարի պաշտոնից

Ամերիկյան Facebook ընկերության բաժնետերերը կրկին փորձել են տնօրենների խորհրդի նախագահի պաշտոնից հեռացնել ընկերության հիմնադիր Մարկ Ցուկերբերգին:

Այս մասին հաղորդում է gazeta.ru–ն` տեղեկացնելով, որ բաժնետերերը ընդգծել են, որ իրենք սահմանափակ հնարավորություններ ունեն Ցուկեբերգի իշխանական լիազորությունների վերահսկման հարցում:

«Facebook-ի գործադիր տնօրեն Մարկ Ցուկերբերգը 2012թ. ի վեր նախագահում է տնօրենների խորհրդում»,-նշել են բաժնետերերը՝ նշելով, որ տվյալ հանգամանքը թուլացնում է Facebook-ի ղեկվաությունն ու դրա կառավարման նկատմամբ վերահսկողությունը: