Ալիևը TACC-ին պատմել է Նիկոլ Փաշինյանի հետ Վիեննայում կայացած հանդիպման մասին
Ադրբեջանի նախագահ Իլհամ Ալիեւը Վիեննայում հարցազրույց է տվել ռուսական TACC լրատվական գործակալությանը։ Անդրադառնալով Հայաստանի վարչապետ Նիկոլ Փաշինյանի հետ հանդիպմանը, Ալիեւն ասել է, որ իրեն համար կարևոր է, որ բանակցային ֆորմատը մնացել է անփոփոխ․ բանակցություններն ընթանում են Հայաստանի եւ Ադրբեջանի միջեւ, այնպես ինչպես եղել է շատ տարիներ։
«Ինչպես գիտեք, երկու երկրների արտգործնախարարները մի քանի անգամ բանակցել են։ Հանդիպումը կարեւոր է նրանով, որ տրված է նոր ստարտ՝ բանակցային գործընթացին: Երկրորդ․ բանակցային գործընթացին նոր խթան է հաղորդված։ Մենք շատ դրական ենք գնահատել ԵԱՀԿ Մինսկի խմբի մարտի 9-ի հայտարարությունը, որում ասված է, որ բանակցային ֆորմատի փոփոխություն կարող է լինել միայն երկու կողմերի համաձայնությամբ։ Ադրբեջանական կողմը, բնականաբար, համաձայնություն չի տվել ֆորմատի փոփոխության»,- ասել է Ալիևը:
Հետևեք մեզ Viber-ում
