Washington Times. «Փաշինյանն առաջընթաց չի գրանցել»
Թավշյա հեղափոխությունից՚ մեկ տարի է անցել, բայց Փաշինյանը չնչին կամ առհասարակ որևէ առաջընթաց չի գրանցել հայ ժողովրդին և միջազգային հանրությանը տված խոստումները կյանքի կոչելու ուղղությամբ՚,- գրում է հեղինակավոր Վաշինգտոն Թայմսի վերլուծաբանը: Ըստ նրա՝ Միացյալ Նահանգների հայամետ կոնգրեսականները ողջունել էին ապրիլ-մայիսի իրադարձությունները, սակայն Սպիտակ տունն ու Պետդեպը, ըստ հոդվածագրի, չափազանց հոռետեսական են տրամադրված: ԱՄՆ նախագահի ազգային անվտանգության հարցերով խորհրդական Ջոն Բոլթոնը, որը վերջերս Հայաստան էր այցելել, ունի հետևյալ դիրքորոշումը՝ «Միայն Ղարաբաղյան հակամարտության կարգավորման դեպքում է հնարավոր փոխել Հայաստանն ու երկիրը դնել անկախության, արդիականացման և բարգավաճման ուղու վրա»: Ի դեպ, հենց սրանք են վարչապետ Նիկոլ Փաշինյանի գլխավոր խոստումները՚,- կարդում ենք Վաշինգթոն Թայմսի հոդվածում:
Հետևեք մեզ Viber-ում
