Եթե պետք լինի, կբանակցենք նաև սատանայի հետ.Արմենուհի Կյուրեղյան

Հարցազրույց ԱԺ նախկին պատգամավոր,ՀՅԴ բյուրոյի ներկայացուցիչ Արմենուհի Կյուրեղյանի հետ:/Մաս 2-րդ/

-Լևոն Տեր-Պետրոսյանի հետ ամենեամեծ հակասության մեջ եղել է ՀՅԴ-ն ,բայց եկավ մի պահ ,որ դուք <<Հրաշալի քառյակ >> կազմեցիք,շատ ակտիվ փորձ էր արվում իշխանություն վերցնելու,այդ ժամանակ նստեցիք սեղանի շուրջ Լևոն Տեր- Պետրոսյանի հետ,հանուն ինչի էիք առաջ նայում:

- Ընտրական օրենսգրքի փոփոխությունների շուրջ էին բանակցությունները:Ոչ ոք չի ուզում տեսնել,որ ՀՅԴ-ի համար առաջնայինը պետության զարգացումը,պետականության ամրագրումն էր,որն էլ ենթադրում էր այդ օրերին ընտրական օրենսգրքի որոշակի փոփոխություններ: Եթե բանակցությունները չլինեին,ընտրական օրենսգիրքը չէր փոխվի:Դրանք բերեցին հետագա փոփոխությունների:

-Լևոն Տեր-Պետրոսյանի,իր թիմի նպատակները այդ փուլում ազնի՞վ էին:

-Եթե պետք լինի, կբանակցենք նաև սատանայի հետ,եթե դա է պահանջում մեր պետության ,մեր պետականության շահը:

-Հիմա բոլորը ասում են,եթե դուք 2008-ն եք ասում,եկեք հիշենք 1996 թվականը, եթե դուք ասում եք Սերժ Սարգսյան,եկեք հիշենք Լևոն Տեր- Պետրոսյանին:

-Այդ կառավարության օրոք էին,որ ընտրությունները զանգվածաբար կեղծվել են,ընտրախախտումները այնքան բարձր պլանկայի վրա են դրվել,որ մինչև օրս չի գերազանցվել:Եթե այդպես է ,եկեք այդ խախտումներից սկսենք,չաշխատենք երկակի ստանդարտներով:Արդարությունը միակողմանի և կիսատ չի լինում:

- Շատերն ասում են՝ դե եթե սկսել են,ուրեմն Մարտի1-ից հետո կանցնեն հոկտեմբերի 27-ին,շատերն էլ ասում են,այս ամենն արվում է,որպեսզի քողարկվի տնտեսական վատ վիճակը:Եթե ասում եք այո,ուրեմն այսօրվա իշխանություններին հանարվաություն եք տալիս ,որպեսզի մի 5 տարի զբաղվեն այդ գործերով:

-Թող իրավապահները զբաղվեն իրենց դատավարությունները իրականացնելով:Եթե մենք ասում ենք գնացեք զբաղվեք դրանով ,մենք չենք ասում միայն դրանով զբաղվեք:

-Դրանով զբաղեցնում են հանրությանը:

-Օրակարգում չպետք է դնել միայն այդ հարցերը,զուգահեռ և ավելի խորը պետք է լինեն տնտեսության զարգացման խնդիրները:Կառավորությունը պետք է զբաղվի տնտեսական,արտաքին քաղաքականությամբ,օրինապահները՝իրենց:Մարդկանց զբաղեցնում են կեղծ օրակարգերով,կամ կիսատ:

-Մեղրիում զինվորականները լքեցին զորամասերը,լուրջ քննադատության առարկա դարձավ,ինչի՞ հետևանք էր սա:Մեղրիի թեման այս օրերին շահարկվում է նաև այն առումով,որ առաջ են եկել մարդիկ,ովքեր հղում են կատարում Վազգեն Սրագսյանին,Կարեն Դեմիրճյանին և ասում,որ Մեղրիի վերադարձի հարցը օրակարգում է եղել և դա կապում են Քոչարյանի գործի հետ:

-Ես հստակ տվյալներ չունեմ և չեմ կարող հիմք ընդունել Շիրխանյանի նամակը,ուր են այդ հիմնավորումները:Ես մաթեմատիկ եմ,և միշտ սիրել եմ ապացուցելու համար հիմնավումներ ունենալ:Այն փաստը,որ Մեղրին չի հանձնվել,ոչ Քոչարյանի,ոչ Լևոն Տեր-Պետրոսյանի,ոչ Սերժ Սարգսյանի օրոք ,դա փաստ է:Իսկ այն պնդումները,որ Ռոբերտ Քոչարյանը ուզում էր հանձնել,հիմնավոր չեն,պետք է փաստերը լինեն:Փաստերի հիման վրա է պետք եզրահանգումներ անել,փաստերը թող դնեն հանրության առաջ,հանրությունը,իրավապահ մարմինները սկսենք քննարկել հարցը:

-Ինչո՞ւ այս փուլում օրակարգ բերվեց հարցը:

-Ռոբերտ Քոչարյանի վրա սարքած գործը ոչ մի կերպ չեն կարողանում հիմնավորել և ժամկետները երկարաձգելու համար է:

-Ամենուր բոյկոտ է ,դասադուլ,գործադուլ,մի կողմից ասում ենք դեմոկրատիայի դրսևորում է,մարդիկ իրենց իրավունքների համար պայքարում են:Բայց սա պետություն է և ինչ հետևանքներ կունենա այս ամենը:

- Ավշար համանքի բնակիչները բողոքում էին և չէին ընդունում մարզպետարանի կողմից նշանակված թեկնածուին, հիմնավորում էին ,որ տնօրենը նույն օրը պարտադրել է ուսմասվարին հրաժարական տալ և նրա փոխարեն նշանակել մեկին,ով մարզպետի մորաքրոջ հարսն էր:Երբ կարդում ենք նույն տնօրենի գրառումը,ով հրաժարավում է դպրոցի պաշտոնից և դիմում է հանրությանը,որ չի կարելի դա թուլություն չհամարել,քանի որ ինքը հղի է և չի ուզում ,որ այս ամենն ազդի իր երեխայի վրա:Ես ընդունում մ,որ ինքը որպես կին,ճիշտ է վարվել,բայց հո նոր չիմացավ ,որ հղի է,պետք չէր հասնել այդ ամենին:Կարող եմ մի բան ենթադրել, ստացվում է,որ հղի կնոջը նշանակեցին տնօրեն,փոխտնօրեն էին նշանակում մարզպետի բարեկամին,որ մի քանի ամիս հետո մարզպետի բարեկամը դառնա տնօրեն:Ամեն ինչ պետք է անեն ,որ բանակում նման դրսևորումները հնավորինս չլինեն:

-Ի՞նչ մոտեցումներով պետք է առաջնորդվենք:

-ՀՅԴ-ն ասում է,որ մենք ամեն ինչին պետք է համալիր նայենք,որովհետև մենք մի տեղ կարևորում ենք ժողովրդավարացման մեխանիզմների իրագործման հնարավորությունները Հայաստանում,մի տեղ մոռանում ենք ազգայինը,պետականը ,արժեքային համակարգը:Դրանք համալիր մոտեցումներ են,որոնք չպետք է խախտվի:Ժողովրդավարության անվան տակ սկսել էինք արժեզրկել արժեքային համակրգը:

-1 տարի է անցել,փոփոխություններ տեսնո՞ւմ եք այս առումով:Պետական համալսարանի շուրջ աղմուկ բարձրացավ՝վարչապետը հայտարարեց՝ով դուռ է փակել ուսանողների վրա,անելիք չունի:Հստակ հասկացվեց,որ Արամ Սիմոնյանը պետք է հրաժարական տա:

-Վարչապետը անուն չնշեց, ասաց՝ այն ռեկտորները,ովքեր դուռ են փակել ուսանողների առաջ,նրանք Հայաստանում անելիք չունեն,դրանից հետո Կրթության նախարան ասաց՝ կարծում եմ ՝դա ԵՊՀ ռեկտորի մասին է: Միգուցե այդպես են կարծում,միգուցե իրոք վարչապետը իրեն նկատի ուներ,չեմ կարող ասել, բայց դա ամենալավ ձևով վարչական ռեսուրսի կիրառման օրինակ է,կոռուպցիայի դրսևորման օրինակ :Այսօր հայտարարել,որ մեր երկրում կոռուպցիան արմատախիլ է արվել,աբսուրդ է, կոռուպիայի դեպք է Ավշարի դպրոցի տնօրենի նշանակման հարցը:Հովանավորչությամբ պաշտոնների նշանակումը,վարչապետը կամ նախարարի շուրթերով հնչեցրած ուղերձները, արդեն կոռուպցիոն դրսևորումներ են:

-Իրենք մի լավ բառ ունեն՝իներցիա ,իսկ այդ իներցիան միայն ՀՀԿ-ից չեն վերցրել, նաև ՀՅԴ-ից են վերցրել:

-Իրենք էլ են այդ իրենցիայի՞ տակ:

-Իրենք ընդունեցին,որ բաներ կան , իներցիայով է առաջ գնում:

-Եթե իրենք հայտարարում են ,որ մեր երկրում կոռուպցիան արմատախիլ է արված,մենք այլևս չենք միջամտում ,իրենք ելույթ են ունենում և հայտարարում,որ այն ռեկտորը,ով դուռ է փակել ուսանողների վրա,անելիք չունի:Ռեկտորին կարող է ազատել կամ նշանակել բուհի կառավարման խորհուրդը:Եթե կառավարման խորհուրդը որոշի,այդ մարդը դուրս կգա պաշտոնից: Իներցիան իրենց վրա էլ է:Բա ասում են՝մենք քաղաքական կամք ունենք:Եթե այդ առաջին դեմքերն էլ զերծ չեն իներցիայից,ապա մենք լուրջ խնդիրներ ենք ունենալու:

-Վատ ավանդույթներ եք թողել:

-Ես ընդունում եմ,որ ամենավերջին մակարդակներում,ամենավերջին օղակներում այդ իներցիան կա,բայց վերևի օղակներում դա արդեն վտանգավոր է :

Առաջին հատվածն՝այստեղ

Հարցազրույցը Նաիրա Բաղդասարյանի