Երբ պետք է Նիկոլ Փաշինյանի խոստացած գումարները հանեն դոշակի տակից.Արմենուհի Կյուրեղյան

Հարցազրույց ԱԺ նախկին պատգամավոր,ՀՅԴ բյուրոյի ներկայացուցիչ Արմենուհի Կյուրեղյանի հետ:/Մաս 1-ին/

-ՀՅԴ 33-րդ ժողովն անցկացրեց  Արցախում,ինչն աննախադեպ էր, որևէ ենթատեքստ կար:

-Միգուցե նաև ցանկություն ունեինք արձագանքելու այն հայտարարություններին, որ արևելյան և արևմտյան թևի միջև հակասություններ կան,կարծիքների բախում:Նաև մեկ այլ խորհուրդ կար՝Արցախը մերն է ,Արցախը Հայաստանն է ,Հայաստանը՝Արցախը:

-Չգիտեմ,դուք ձեզ ընդդիմություն հռչակեցի՞ք ,թե չէ,բայց ,եթե իշխանության մեջ չեք, ուրեմն ընդդիմությու եք:

-Անուններ չտանք,որովհետև այսօրվա ընդդիմությունը չգիտեմ իրոք ընդդիմություն է,թե ոչ,մենք մեր կարծիքն ենք հայտնել,հայտնում ենք,և հայտնելու ենք կառավարության այն քայլերի վերաբերյալ ,որոնք վնասելու են մեր երկրի պետականությանը,հզորացմանը:Մենք արտախորհրդարանական հզոր ուժ ենք,որը պայքարելու է ամբողջական իշխանությունը վերցնելու համար:

-Ինչո՞ւ եք վախենում ընդդիմություն բառից:

-Ես ասում եմ,հանրության մեջ ընդդիմության ընկալումը մի տեսակ այլ է:

-Գուցե հենց այս դիրքորոշումն էր պատճառը,որ անցած ընտրությունների ժամանակ ձախողեցիք,որովհետև տարիներ շարունակ ձեզ քաննադատել են այն բանի համար,որ ասել եք՝մենք և ընդդիմություն ենք,և իշխանություն: Ամեն ինչ մեր երկրում փոխվում է,բացի Հայ Հեղափոխական դաշնակցությունից:

-Շնորհակալ եմ հարցի համար,որովհետև հանրության մեջ անընդհատ այդ տեսակետը բաց է թողնվում,որպես ուղերձ: ՀՅԴ-ն մի ուժ է,որը պայքարել է ,պայքարում է և պայքարելու է պետականության հզորացման համար:Այո գնացել ենք ՀՀԿ- հետ,գիտակցել ենք,որ վարկանիշը իջնելու է, խնդիրը ոչ թե եղել է վարկանիշը,այլ նպատակի իրականացումը՝հասնել խորհրդարանական համակարգի հաստատմանը Հայաստանում::

-Ռեսուրսներ ունեիք,որոնք ընտրությունների ժամանակ շատ լավ կիրառում էիք:

-Եթե կարողանայինք կիրառել,այս խորհրդարանում կլինեինք,այն ժամանակ էլ 5 տոկոս չէինք հավաքի:Մենք գործել ենք արդար ճանապարհով և միգուցե մենք խնդիր ունենք հանրության մեջ մեր վարկանիշի բարձրացման:Չենք հերքում ,որ ՀՀԿ-ի հետ կոալիցիան մեր վարկանիշը իջեցրել է: Այսօր մենք ասում ենք,որ ամեն ինչ անելու ենք մեր կառույցը հզորացնելու համար,արևելյան և արևմտյան թևերի հետ համատեղ ծրագրերը իրականացնելու համար:

-Հեղափոխության ժամանակ Սփյուռքը շատ ոգևորված էր:Հայտնի է,որ ՀՅԴ-ն ամենահզորն է Սփյուռքում,ի՞նչ մոտեցում կա այսօրվա իշխանության նկատմամաբ:

-Ընդհանուր ժողովը ընդունել է որոշակի բանաձև և ընդհանուր ժողովի ժամանակ է այդ բանաձն ընդունվել ,ըստ որի՝ մենք գնում ենք ամբողջական իշխանություն վերցնելու: Բոլոր թևերն էլ նույն բանաձևերն են որդեգրել:

-Հրանտ Մարգարյանը խիստ գնահատականներ հնչեցրեց,և տպավորություն էր,որ շատ շուտ ՀՅԴ-ն բոլորովին այլ դիրքերից է խոսելու,որովհետև Հրանտ Մարգարյանը պատահական մարդ չէ ,եթե նման բան է ասում,ուրեմն խմորումներ կան ՀՅԴ-ի ներսում:Դրան հաջորդում են մի շարք փոփոխություններ,այդ թվում Հրանտ Մարգարյանի հեռանալը բյուրոյի կազմից:

-Եթե Հրանտ Մարգարյանը բյուրոյի կազմում չէ,դա նշանակու՞մ է ՀՅԴ փոխեց իր ուղեգիծը: Հրանտ Մարգարյանի հնչեցրած բոլոր խոսքերը միս ու արյուն դարձած արտացոլվել են ընդհանուր ժողովի բանաձևում:Մեր կուսակցության ուժը թիմային,միասնական լինելն է և կոնկրետ բանաձևումը եթե կա ,կապ չունի Բյուրոյի ներկայացուցիչը Հրանտ Մարգարյանն է,թե մեկ ուրիշը:

- Նախկինում ամենամեծ ներդրողները Ռուսաստանի Դաշնությունից էին գալիս,հիմա արդեն չեն գալիս: ՀՅԴ-ն իր կուսակից ընկերներին ազա՞տ է թողել,գալի՞ս են ակտիվ ներդրուներ անում ,թե ոչ:

-Ներդրումների հոսքը մեծացնելու համար պետք է հստակ ներդրումային քաղաքականության տարվի,որը ստեղծի նպաստավոր պայմաններ :Իսկ նպաստավոր պայամանների համար պետք է ներդրումների պաշտպանությայ մասին օրենք,ապահովագրության մասին օրենք,սուվերեն ներդրումային ֆոնդի գաղափարը ,ընդ որում,այդ նշված օրենքների նախագծերը Արծվիկ Մինասյանի նախարար լինելու ժամանակ արդեն դրվել էին կառավարության քննարկմանը:Պետք է միջավայր ստեղծվի,ներդրումներ հենց այնպես չեն գալիս, ինչպես մեր վարչապետն է ասում՝ներդրումները մինչև օրս հեռախոսազրույցների մակարդակի վրա են:

-Բայց նախկինում գալիս էին:

-Որպեսզի որևէ մեկը որոշի իր ֆինանսները բերի Հայաստան որևէ տնտեսական ճյուղ զարգացնելու համար,նա պետք է համապատասխան ներդրումային միջավայր տեսնի:Առայժմ այդ միջավայրը չկա,դրանք դեռ հեռախոսի մակարդակի են:Ես վարչապետին հարցրեցի,թե ուր են այդ հեռախոսային խոստումներով միլոնավոր դոլարների ներդրումները,նա պատասխանեց՝գիտեք տիկին Կյուրեղյան,ներդրումները բարձի տակ դրված գումար չեն,որ վերցեն և բերեն: Այսքան ժամանակ է անցել,որ եթե դրանք բարձի տակ էլ չէ,այլ դոշակի կամ մատրասի տակ լինեին,հիմա վաղուց արդեն դրանց հանելու ժամանակը եկել էր:Միջավայր նշանակում է օրենսդրական համապատասխան փոփոխություններ:Հայտարարել,որ ոչ մեկը փայ չի մտնելու,չի խանգարել,դա քիչ է,պետք կայուն և օրենսդրական միջավայր:

-Կանգնեցի՞ք չէ իրենց կողքին,ողջունեցիք այս փոփոխությունը:

-Փոփոխությունների անհրաժեշտություն միշտ էլ կա:Ցանկացած ամենաբարձր զարգացած երկրում փոոխությունների անհրաժեշտություն կա:Ողջունեցինք այն փաստը ,որ ժողովուրդը վերջապես հասկացավ,որ ինքն է տերը այս երկրի,որ վերջապես ժողովուրդը հասկացավ,որ ինքը պետք է լինի պահանջատեր:

- Դվին հյուրանոցային համալիրի սեփականատերը ,ով հայտնի գործարար է և մեծ ներդրումներ է արել Հայաստանում ,վերջերս հարցազրույց էր տվել և խոսել բազմաթիվ խնդիրներից ,այն մասին ,թե ինչու չեն կարող ներդրում անել: Խոսել էր նաև այն մասին,թե այժմյան իշխանության հետ կապված ինչ խնդիրներ կան, և ինչ էր տեղի ունենում նախկին իշխանության ժամանակ : Ասում էր՝այս ամենով հանդերձ ,հայրենասիրական մղումներով որոշել եմ 50 միլիոն ներդրումներ անել:ՀՅԴ-ի մեջ կան մարդիկ,ովքեր այս խնդիրներով հանդերձ հայրենասիրական մղումներով կգնան այդ քայլին:

-Ինչպես վարչապետն է ասում ՝քննարկումների շրջան կա,քննարկումներ են գնում:Վարչապետն ինքն է ասում,որ քննարկում է միլիոնավոր դոլարների շուրջ,մենք էլ ունենք քննարկումներ,բայց միևնույն է,ցանկացած մեկի համար բիզնեսը առաջին հերթին ենթադրում է միջավայր:

-Այսպիսի մի հայտարարություն արեց վարչապետը՝կարևորը փողը չի,կարևրը գաղափարն է:

- Նա ասում էր կարևորը փողը չի,եթե կա նպատակը,գաղափարը, և նպատակին հասնելու հստակ ծրագիրը: Ուզում եմ այդ նույն մտածողությունը զուգահեղ տեղավորել մեր կառավարության ծրագրի մեջ,արդյոք կրառավարության ծրագրում չկա այնպիսի գաղափար,նպատակների հասնելու հստակ նկարագրություններ,որ ներդրումներ չեն հոսում Հայաստան: Եթե չկա,ուրեմն մենք խնդիր ունենք կառավարության ծրագրի հետ:Եթե կառավարության ծրագրում գաղափարները կան,քայլերը հստակ նկարագրված են,ո՞ւր են ներդրումները:

-Աղքատության հաղթահարման հետ կապված հայտարարեցին,որ 18 000-ը պետք է դառնա 25 000 :

-Ես այդ մոտեցումը չեմ հասկանում, թիվ սահմանել և ասել,որ եթե ամենացածր թոշակը կամ նպաստը լինի 25000 –ից բարձր,ապա ծայահեղ աղքատությունը կհաղթահարվի: Թիվը չի կարող սահմանափակել ծայրահեղ աղքատության երևույթը,որովհետև 25 500-ից անմիջապես հետո կարող է լինել գնաճ,այդ դեպքում այդ գումարը ստանում է նույն արժեքը,ինչ-որ ժամանակին 18000 էր:Ծայրահեղ աղքատությունը հաղթահարելու համար հստակ մոտեցում է պետք ,պարենային նվազագույն զամբյուղի գաղափարը պետք է օգտագործել, և դա համեմատության մեջ դնել ծայրահեղ աղքատության հաղթահարելու համար սահմանված թոշակի հետ:Ամեն տարի նախկին կառավարությունն էլ նման բան անում: Մարդը դեռ իր թոշակը չէր ստացել,գնաճ էր գնում և այդ թոշակի բարձրացումը ոչ մի կերպ չէր ազդում այդ մարդու ապրելակերպի վրա:

-ԱՎԾ-ն հրապարակել է փետրվար ամսվա տվյալները,ըստ որոնց շինարարության,աշխատավարձերի աճ է արձանագրվում է, այսինքն՝ վիճակագրորեն կյանքի որակը դեպի լավ է գնում:Էլետրաէներգիայի ծախսի և արտադրության հետ կապված նվազում է նկատվում:

-Միգուցե կյանքի որակի լավացման՝ իմ և ԱՎԾ-ի վերլուծողների պատկերացումները տարբեր են:Ինչ է նշանակում կյանքի որակի բարձրացում,ես ընկալում եմ,որ դա ենթադրում է էլաեկտրաէներգիայի ավելի շատ օգտագործում,եթե ավելի շատ եմ տեխնիկայից օգտվում,իմ արժամանապատիվ կյանքի համար,միգուցե այդ չափորոշիչը չենք նշում, բայց եթե էլեկտրոներգիայի սպառումը նվազել է 21 տոկոսով,ես ինչով կարող եմ ենթադրել,որ կյանքի որակ է բարձրացել:Եթե շինարարության մաշտաբներն ավելացել են,անմիջապես ենթադրություններ անել կյանքի որակի բարձրացման, ճիշտ չէ:

-Վերջերս հայտարարություն արեցիք,ասացիք՝ ես ինձ Հայաստանի քաղաքացի եմ համարում , բայց կառավարության նշած այդ Քաղաքացու օրվա խորհուրդը չեմ հասկանում: Լեւոն Տեր-Պետրոսյանը հրաժարական տվեց, բա ինչի՞ այդ օրն էլ չենք նշում Քաղաքացու օր:

-Լրագրողը,երբ ինձ հարցրեց,ես ասացի,որ Քաղաքացու օրվա խորհուրդը չեմ հասկանում:Լրագրողը ասաց,որ բացատրում են՝ ապրիլի 23-ին Սերժ Սարգսյանը հարաժարական տվեց,դրան ի պատասխան նշեցի,որ եթե այդպես է ,ապա ժամանակին Լևոն Տեր-Պետրոսյանն էլ է հրաժարական տվել,դա ավելի մեծ ձեռքբերում է Հայաստանի քաղաքացում համար:

-Ոչ Ռոբերտ Քոչարյանը,ոչ էլ Սերժ Սարգսյանը Լևոն Տեր Պետրոսյանի հրաժարականից հետո նրան չբնութագրեցին այնպես,ինչպես,որ Լևոն Տեր -Պետրոսյանը 2008-ին եկավ և բնութագրեց ռեժիմը և պետք է օր առաջ ազատվել նրանցից:

-Մենք չպետք է մոռանանք ,որ Լևոն Տեր-Պետրոսյանի հրաժարականը պատճառներ ուներ,նրանից պահանջեցին,պահանջը ներքևից էր,քանի որ տնտեսությունն էր քանդվել,նրա իշխանության օրոք ապրում էինք սև ու մութ պայմաններում և այդ ամենը կապել միայն արցախյան պատերազմով ,սխալ կլինի:Այդ օրերին ունեինք արտադրության անկում,արտադարամասերը,գործարանները սեփականաշնորհվեցին էժան գներով,թալանվեցին:Այսօր էլ դեռ հետքերը կան,երբ ես Երևանից Վանաձոր եմ հասնում,ճանապարհին այդ թալանված գործարաններն են,միայն պատերն ու կմախքները մնացած:Մենք արտադրություն չունեինք ,տնտեսության ոչ միայն զարգացում չունեինք,այլ անկում ունեինք:

-Նախկին իշխանությունները արժանի գնահատական չտվեցին:

-Եթե ամեն նոր իշխանություն գա և փոխանակ փնտրի զարգացման ճանապարհը և երկրի հզորացումը, այլ նայելով հնին ,սկսի միայն քննադատելը, լավ բանի չենք հասնի:Իհարկե քննադատելն էլ է պետք,բայց սա պետք է լինի գործունեության շատ փոքր տոկոսը: Ամբողջ կառավարության գործունեությունը հենել միայն նախկինների քննադատության վրա,աբսուրդ է:Բա ուր մնաց երկրի զարգացումը:Իշխանության էին եկել այն ակնկալիքով,որ երկիրը սկսելու է զարգացման ճանապարհ բռնել: Իմ ասածը ոչ թե դաշնակցության հետ Լևոն Տեր-Պետրոսյանի վերաբերմունքի պատասխանն էր,այլ իրականությունը՝Քաղաքացու օրը:Հասկանում եմ,որ մեր սահմանադրությամբ քաղաքացին գերագույն արժեք է, ապա եկեք Քաղաքացու օրը նշենք սահմանադրության օրր:Եթե խոսում ենք մարդ –քաղաքացի հարաբերության մասին,կա դեկտեմբերի 10՝Մարդու իրավունների պաշտպանության օր:

-Ամեն ինչ սկսում ենք նոր էջից:

- Ես կողմնակից կլինեի ,որ այս շարժումից հետո մեր երկրում տնտեսության զարգացման ծիլերը նկատվեին,խոսում ենք քաղաքացու մասին, կյանքի որակի բարձրացման,արժանապատիվ կյանքի համար պայմանների ստեղծում: Իսկ արժանապատիվ կյանքի պայմանների բարելավումը սկսել աշխատատեղերի կրճատումով , սխալ եմ համարում:

Շարունակությունն ՝այստեղ

Հարցազրույցը՝Նաիրա Բաղդասարյանի