«Դեմոկրատ» Փաշինյանը ձեռք է բերել սեփական քաղբանտարկյալը.кп

12:35 - 28/մարտի/2019

«Ութ ամիս առաջ, 2018 թվականի հուլիսի 28-ին, Հայաստանում ձերբակալվեց ՀՀ նախկին նախագահ Ռոբերտ Քոչարյանը: Հենց սկզբից ենթադրվում էր, որ նրա կալանավորումը և սահմանադրական կարգի տապալման մեղադրանքները Երևանում իշխանության եկած Նիկոլ Փաշինյանի վրեժն են: Փաշինյանը ակտիվ մասնակից է եղել այն անկարգություններին, որոնց Քոչարյանը վերջ էր տվել բավականին կոշտ միջոցներով: Ժամանակի ընթացքում կասկածները հաստատվեցին փաստերով:

Յութուբում տեղադրվեց Փաշինյանի և երկրի Ազգային անվտանգության ծառայության (ԱԱԾ) տնօրենի, ինչպես նաև հատուկ ծառայությունների ղեկավարների հեռախոսազրույցի ձայանգրությունը: Ձայնագրությունից երևում էր, որ որ Փաշինյանն է Ռոբերտ Քոչարյանի գործով հրաման տվել: Նախկին նախագահի ձերբակալությունից անմիջապես հետո հատուկ հայտարարություն է արվել ոչ միայն Ռուսաստանի արտաքին գործերի նախարարության, այլև Հայաստանի և օտարերկրյա իրավապաշտպանների կողմից: Բայց Երևանում, այս ամենը ուշադրության չի արժանացել:

Քոչարյանների ընտանիքի դեմ պաշտոնական լրատվամիջոցներում քարոզչություն է ընթանում, նախկին նախագահի ընտանիքի անդամների նկատմամբ հարուցվել են քրեական գործեր, և սպառնում են նրանց, ովքեր փորձում են պաշտպանել կալանավորված Քոչարյանին:

Ռոբերտ Քոչարյանը համապատասխանում է ԵԽԽՎ 1900 բանաձևի հիմնական պահանջներին`ճանաչվելու որպես քաղբանտարկյալ: Նա ձերբակալվել է Մարդու իրավունքների եվրոպական կոնվենցիայում ամրագրված երաշխիքների խախտմամբ: Նա քաղաքական նկատառումներով ձերբակալված է, անկախ կոնկրետ հանցագործությունից: Նա, ի վերջո, ձերբակալվեց, ակնհայտ անարդար դատավճռով: «Դեմոկրատ» Փաշինյանը ձեռք է բերել իր սեփական քաղբանտարկյալը»: