Նիկոլ Փաշինյանն իր ելույթներով բացել է «Պանդորայի արկղը». Ադրբեջանի նախկին արտգործնախարար

Ադրբեջանի նախկին արտգործնախարար Թոֆիկ Զուլֆուգարովը, մեկնաբանելով մարտի 29-ին Վիեննայում կայանալիք Փաշինյան-Ալիև հանդիպումը, հայտարարել է, որ ՀՀ վարչապետ Նիկոլ Փաշինյանն իր ելույթներով բացել է «Պանդորայի արկղը», ինչի արդյունքում ամեն անգամ ստիպված է հնչեցնել, որ մտադիր չէ քննարկել «տարածքների հանձնման» հարցը:

Ինչպես փոխանցում է Minval.az-ը, Զուլֆուգարովի խոսքով՝ Ադրբեջանում շատ լավ են հասկանում, որ բանակցություններն այն միջոցը չեն, որոնց արդյունքում հնարավոր կլինի տարածքներ ստանալ: Դրանից ելնելով՝ ադրբեջանական կողմը մի նպատակ է հետապնդում՝ «օգտագործել իրավիճակը, այդ թվում և կայանալիք հանդիպումը, որպեսզի ցույց տա, որ Հայաստանը տարածքային պահանջներ ունի Ադրբեջանի նկատմամբ»: