Եթե ապացուցվի, որ Նարեկ Սարգսյանը ինձ զանգահարել է, ես պատրաստ եմ հրաժարական տալ. Օսիպյան (video)
Ես Politik.am կայքի գլխավոր խմբագիր Բորիս Մուրազիին զանգել եմ՝ հարցնելու համար, թե ինչու է չճշտված տեղեկություն հրապարակել։ Այս մասին ասյօր՝ մարտի 25-ին, լրագրողների հետ զրույցում ասաց ՀՀ ոստիկանապետ Վալերի Օսիպյանը։ «Այդ մասին ոստիկանությունը հաղորդում է տարածել, ես ինքս հրավիրել եմ իրեն, զրուցել եմ հետը, ինքը կարծեմ իր Facebook-ի էջում գրել է, որ ոստիկանապետից որեւէ սպառնալիք չի ստացել»,- նշեց նա։ Ոստիկանապետի խոսքով՝ ինքը շատ լրագրողների է զանգում, շատ լրագրողներ էլ իրեն են զանգում. «Լրագրողները շատ կարեւոր գործ են անում, շատ են օգնում ոստիկանությանը, սակայն չճշտված տեղեկությունները խանգարում են ոստիկանությանը»։ Նա պնդեց, որ Նարեկ Սարգսյանը իրեն չի զանգահարել, եթե դա ապացուցվի, ապա պատրաստ է հրաժարվել իր պաշտոնից:
Հետևեք մեզ Viber-ում
