Համոզված եմ, որ Հայաստանը շուտով տիեզերքում արբանյակ է ունենալու. Արմեն Գրիգորյան
Ազգային Անվտանգության խորհրդի քարտուղար Արմեն Գրիգորյանը «Շանթ» հեռուստաընկերության «Հեռանկար» հաղորդաշարի ընթացքում անդրադարձել է մի շարք ներքաղաքական խնդիրների: Նա անդրադարձել է տիեզերական գործունեության մասին օրենքին.«Օրենքի նպատակը Լուսնի ուսումնասիրությունը չէ, այլ ցանկություն ունի կարգավորել Հայաստանում տիեզերական արդյունաբերության գործունեությունը, հարկային դաշտի բարելավումը: Մենք մեծ հնարավորություն ենք ստեղծում, որ այդ ոլորտում ներդրումներ կատարվեն»: ԱԽ քարտուղարի խոսքերով՝ մենք պետք է կաղապարներից դուրս գանք, թե տիեզերքը մեծ բան է, և մենք այնտեղ անելիք չունենք. «Մենք այս պահին բանակցությունների մեջ ենք, որպեսզի արբանյակ ունենանք, և ես համոզված եմ, որ Հայաստանը շուտով տիեզերքում արբանյակ է ունենալու»:
Հետևեք մեզ Viber-ում
