Ավշարի դպրոցի նորանշանակ տնօրենը համոզվեց, որ հնարավոր չէ այս պայմաններում աշխատել
Արարատի մարզի Ավշար գյուղի միջնակարգ դպրոցում շարունակվում է դասադուլն ու գործադուլը՝ տնօրենի հրաժարականի պահանջով: Slaq.am-ը կապ հաստատեց դպրոցի փոխտնօրեն Ռեգինա Սիմոնյանի հետ, պարզելու՝ ինչ նոր գործողություններ են պատրաստվում առաջիկայում իրականացնել։ Տիկին Սիմոնյանը նշեց, որ հանդիպել են դպրոցի տնօրեն՝ Հերմինե Անդրեասյանի հետ և փորձել են հաշտության եզրեր գտնել։ Ռեգինա Սիմոնյանը ասաց, որ դպրոցի նորանշանակ տնօրենը համոզվեց, որ հնարավոր չէ այս պայմաններում աշխատել։ «Աշխատակազմը տնօրենին առաջարկեց առանձին հանդիպում, քանի որ իր փոխարեն անընդհատ ինչ-որ մեկը խոսում է ։ Նա հասկացավ , որ հնարավոր չէ այս պայմաններում աշխատել, որովհետև չի ստացվում աշխատանքը այս կոլեկտիվի հետ․ հիմա որոշումը իրենն է» ,ասաց Ռեգինա Սիմոնյանը : Դպրոցի փոխտնօրենը նշեց, որ տնօրենն էլ, աշխատակազմն էլ հասկացան, որ պետք է հաշտության եզրեր գտնեն, բայց , անգամ երկխոսություն չէր ստացվում ։ «Այժմ միայն ուսուցիչներն են դպրոցում , շաբաթօրյակի համար ոչ աշակերտները, ոչ ծնողները այստեղ չեն, մինչ դեռ նախկինում, բոլոր շաբաթօրյակները միասնական, բոլորով իրականացրել ենք։ Տնօրենն էլ այստեղ չէ բնականաբար» ,ասաց Ռեգինա Սիմոնյանը :
Հետևեք մեզ Viber-ում
