Ազգային ժողովի մաքրուհիները գործադուլի են պատրաստվում
Խորհրդարանում աշխատող մաքրուհիները բողոքում են աշխատավարձի կրճատումից: Ըստ նոր պայմանագրի` մաքրուհիները ինչպես նախկինում, հիմա նույնպես կաշխատեն նույն ժամաքանակով` օրական 2 ժամ, սակայն կկրճատվի նրանց աշխատավարձի չափը` դառնալով 40 հազար դրամ: «Ես 40 հազարով ոնց պահեմ երկու տղայիս, մեկը ուսանող ա: 40 հազարով կարա՞ս ուսանող պահես: 40 հազարն իրենց մի օրվա փողն ա»,- ասում են նրանք: Նրանք այսօր մոտ մեկ ժամ առաջ են տեղեկացել, որ իրենց աշխատավարձը կրճատվել է։ «Նախկինում ավելի լավ էր, նենց են անում, որ երանի տանք էն օրերին»,- ասում էին դժգոհ մաքրուհիները: Երկուշաբթի օրվանից այլևս չեն գա աշխատանքի կամ կգան ու չեն աշխատի,հայտնեցին մաքրուհիները:
Հետևեք մեզ Viber-ում
