Կիսվել լուրով

Նոր քայլ. ինչ է սպասվում Մանվել Գրիգորյանին

Поделиться

««Ժողովուրդ» թերթի տեղեկություններով` Հատուկ քննչական ծառայությունը ԱԺ նախկին պատգամավոր, գեներալ Մանվել Գրիգորյանի հիվանդության իսկությունը պարզելու նպատակով ստեղծել է անկախ բժիշկների հանձնաժողով՝ փորձելով այդ կերպ հասկանալ, թե նրա կողմից ներկայացված բժշկական փաստաթղթերը համապատասխանում են իրականությանը, թե ոչ: Ինչպես հայտնի է, օրերս Երեւանի ընդհանուր իրավասության դատարանը եւս երկու ամսով երկարաձգել է 2016-ին ապրիլյան պատերազմի օգնությունը հափշտակելու, ինչպես նաեւ ապօրինի զենք-զինամթերք ձեռք բերելու եւ պահելու համար մեղադրվող գեներալ Մանվել Գրիգորյանի կալանքի ժամկետը: Մանվել Գրիգորյանը կալանավորվել է 2018 թվականի հունիսի 19-ին:

Եվ, ահա, տեւական ժամանակ է, ինչ ԱԺ նախկին պատգամավորի պաշտպաները պայքարում են, որ նախաքննական մարմինը, հաշվի առնելով Մանվել Գրիգորյանի առողջական վիճակը, նրա նկատմամբ խափանման միջոց կալանքը փոխարինի գրավով, սակայն 2018 թվականի հունիսից մինչ օրս փորձերը անցնում են ապարդյուն:
Արդյունքում պաշտպանները համոզել են ԱԺ նախկին պատգամավոր Մանվել Գրիգորյանին եւ նրա հիվանդությունների մասով դիմել են Մարդու իրավունքների եվրոպական դատարան. «Մենք ՄԻԵԴ ենք դիմել, որովհետեւ խոշտանգում է տեղի ունենում, երբ նման հիվանդություններ ունեցող անձը գտնվում է կալանքի տակ: ՄԻԵԴ-ն արագ արձագանքեց, գտավ, որ դիմումը համապատասխանում է դատարանի չափորոշիչներին, եւ մեզնից պահանջել է ապացույցներ, որ Մանվել Գրիգորյանը գտնվում է կալանքի տակ եւ ունի մեր մատնանշած ծանր հիվանդությունները: Քիչ առաջ մենք այդ փաստաթղթերն ուղարկել ենք»: Ու մինչ պաշտպանները պայքարում են Մանվել Գրիգորյանին ազատ արձակելու համար, Հատուկ քննչական ծառայությունը որոշել է իրավիճակից դուրս գալու համար նոր քայլերի դիմել: Մասնավորապես, «Ժողովուրդ» թերթին հասած տեղեկությունների համաձայն` նախաքննական մարմինը Մանվել Գրիգորյանի առողջական վիճակի ստուգման նպատակով ստեղծել է անկախ փորձագետների խումբ` պարզելու, թե Գրիգորյանը իրականում ինչ առողջական խնդիրներ ունի, եւ արդյոք վերջինիս կողմից ներկայացված առողջական վիճակի մասին փաստաթղթերը համապատասխանում են իրականությանը, թե ոչ: Մեզ հասած տեղեկությունների համաձայն` նախաքննական մարմինը այս քայլին է գնացել այն բանից հետո, երբ կաշառքի գործով կալանավորված Սամվել Մայրապետյանի գործով ՄԻԵԴ-ը կարծիք հայտնեց հօգուտ մեղադրյալի: Ուստի նախաքննական մարմինը հնարավոր նման գործընթացներից զերծ մնալու համար, եւ որպեսզի առհասարակ հետագայում նախաքննական մարմնին եւ դատարանին չմեղադրեն անձին անհիմն կալանքի տակ պահելու համար, որոշել է դիմել անկախ փորձագետների: Հենց վերջիններս էլ պետք է գնահատական տան, թե արդյոք առողջական վիճակի մասին փաստաթղթերը, որոնք ներկայացրել է Մանվել Գրիգորյանը, համապատասխանում են իրականությանը, թե ոչ: Թերթը տեղեկությունը փորձեց պարզել Հատուկ քննչական ծառայության պետ Սասուն Խաչատրյանից, թե նախաքննական մարմինը արդյոք ստեղծել է անկախ փորձագետների խումբ` պարզելու, թե Գրիգորյանը իրականում ինչ առողջական խնդիրներ ունի եւ արդյոք վերջինիս կողմից ներկայացված առողջական վիճակի մասին փաստաթղթերը համապատասպանում են իրականությանը, թե ոչ: Ի պատասխան մեր հարցման` ՀՔԾ լրատվական բաժնից հայտնեցին. «Մանվել Գրիգորյանի վերաբերյալ քրեական գործով նշանակվել են ինչպես առաջնային, այնպես էլ միջգերատեսչական համալիր դատաբժշկական հանձնաժողովային փորձաքննություններ: Հանձնաժողովում ընդգրկվել են նաեւ պաշտպանության կողմի միջնորդած 3 փորձագետներ: Թե՛ առաջնային եւ թե՛ հանձնաժողովային փորձաքննությունների եզրակացություններով` Մ. Գրիգորյանի մոտ չի հայտնաբերվել որևէ հիվանդություն, որը, ՀՀ կառավարության համապատասխան որոշմամբ, դասվում է պատիժը կրելուն խոչընդոտող հիվանդությունների շարքին»: Սպասենք զարգացումներին: Իսկ մինչ այդ նկատենք` Մանվել Գրիգորյանի փաստաբանները դատարան են դիմել՝ միջնորդելով Գրիգորյանին ազատ արձակել գրավի դիմաց»։ Ամբողջությամբ կարող եք կարդալ թերթի այսօրվա համարում:

Поделиться
դիտվել է 36 անգամ
Հետևեք մեզ YouTube-ում Հետևեք մեզ Facebook-ում Հետևեք մեզ Telegram-ում Հետևեք մեզ Viber-ում
LIVE
Լրահոս
Ավինյանը Երևանի տոնին մասնակցում է «New York» գրառմամբ վերնաշապիկով. Կարեն Հեքիմյան Արտակարգ դեպք «Սուրբ Հովհաննես» մատուռի մոտակայքում Կառուսելի ընկնելու հետևանքով հիվանդանոցում հայտնված 6-ամյա երեխան մահացել է Արամուսում տեղի ունեցած սպանությունների դեպքով քրեական գործ է հարուցվել Արամուսում կատարված հանցագործությունը բացահայտվել է․ կա մեկ ձերբակալված Արամուսի դաշտում ամուսիններին սպանել են. մարմինների վրա եղել են հրազենի ու եղանի հետքեր. Արմլուր Արտաշատի խճուղում ճակատ ճակատի բախվել են «Opel»-ն ու «VAZ 2121»-ը. վարորդները սթափ են եղել Ավինյանի անհիմն պնդումները 1,5 մլրդ դրամ պետական ներդրման մասին Արամուսի դաշտամիջյան հատվածում հայտնաբերվել են կնոջ և տղամարդու մարմիններ Ռուսաստանի և Ադրբեջանի միջև շփումները չեն ընդհատվել, շարունակվել են նախագահական վարչակազմերի միջոցով Ադրբեջանի քաղաքացիներին արդեն երեք օր է՝ թույլ չեն տալիս դուրս գալ Մերձմոսկվայի օդանավակայանից․ ձերբակալել են հեռախոսում 44-օրյա պատերազմից լուսանկարների համա՞ր Մարդիկ այդպես էլ չհասկացան, թե ոն՞ց եղավ` հենց «անմեղ» Տիգրան Ավինյանի ծանոթները ստացան միլիոնավոր դոլարների աջակցություն. Արթուր Չախոյան Պարզ թվացող պատկերում կոդավորված է խորը ուղերձ․ արցախցին ներկայացվում է ցուպը ձեռքին պարտված, խղճահար թափառական. Արմեն Հովասափյան Մերձավանում ակցիայի մասնակիցները ստորագրահավաք են անում․ դիմելու են կառավարությանը Ավինյանի կոռուպցիոն բուրգի վերաբերյալ տասնյակ նոր ապացույցներ են տրվել, բայց հրաժարվում են հետաքննել․ Պեդրո Զարոկյան Քանդակագործ Արման Նուռն ամուսնացել է Երևա՛ն, քո հազարամյակները չեն փոխվել իշխանական քմահաճույքներից․ Դավիթ Անանյան Իսրայելը պատրաստ է անհապաղ ընդունել Գազայի հատվածի բոլոր պատանդներին․ Նեթանյահու Հայաստանում արձանագրվել է կորոնավիրուսի «օմիկրոն» շտամի նոր ենթատեսակ, որը անվանվում է «ստրատուս» Մահացել է ԱԱԾ տնօրենի նախկին տեղակալ, գեներալ-լեյտենանտ Հրանտ Եպիսկոպոսյանը Ավտովթարից զոհվել են Կատարի պատվիրակության անդամները, որոնք Գազա էին մեկնում բանակցությունների Մահացել է հոլիվուդյան հայտնի դերասանուհի Դայան Կիտոնը
ԱՄԲՈՂՋ ԼՐԱՀՈՍԸ
Ամենաընթերցվածները
Ադրբեջանի քաղաքացիներին արդեն երեք օր է՝ թույլ չեն տալիս դուրս գալ Մերձմոսկվայի օդանավակայանից․ ձերբակալել են հեռախոսում 44-օրյա պատերազմից լուսանկարների համա՞ր 1 Արամուսի դաշտամիջյան հատվածում հայտնաբերվել են կնոջ և տղամարդու մարմիններ 2 Մահացել է հոլիվուդյան հայտնի դերասանուհի Դայան Կիտոնը 3 Քանդակագործ Արման Նուռն ամուսնացել է 4 Վաղարշապատ համայնքի ընտրություններում ՔՊ-ն հաղթելու շանսեր չունի. Ոսկան Սարգսյան 5
Շուտով
Հոկտեմբերի 13-ին՝ ժամը 11։00-ին, Հայելի ակումբի հյուրն է Լարիսա Ալավերդյանը Հոկտեմբերի 13-ին՝ ժամը 16։00-ին, Հայելի ակումբի հյուրն է Ժասմինա Ղևոնդյանը Հոկտեմբերի 13-ին՝ ժամը 15։00-ին, Հայելի ակումբի հյուրն է Պարույր Հայրիկյանը Հոկտեմբերի 13-ին՝ ժամը 12։00-ին, Հայելի ակումբի հյուրն է Երվանդ Բոզոյանը Հոկտեմբերի 13-ին՝ ժամը 14։00-ին, Հայելի ակումբի հյուրն է Հովհաննես Իշխանյանը Հոկտեմբերի 10-ին՝ ժամը 14։00-ին, Հայելի ակումբի հյուրն է Գառնիկ Դանիելյանը Հոկտեմբերի 10-ին՝ ժամը 16։00-ին, Հայելի ակումբի հյուրն է Սեյրան Չիլինգարյանը Հոկտեմբերի 10-ին՝ ժամը 15։00-ին, Հայելի ակումբի հյուրն է Սերգեյ Շաքարյանցը Հոկտեմբերի 10-ին՝ ժամը 13։00-ին, Հայելի ակումբի հյուրն է Հայկ Այվազյան Հոկտեմբերի 10-ին՝ ժամը 12։00-ին, Հայելի ակումբի հյուրն է Նարինե Դիլբարյանը
Հետևեք մեզ Viber-ում https://cutt.ly/5wn8sJBS
Hayeli.am