Հակասությունների միասնություն
1. Հայտարարվում էր, որ «Մարտի 1»-ի գործն ամբողջությամբ բացահայտված է, բայց պարզվում է՝ բացահայտված չէ, և այդ չբացահայտվածության պատճառը պարկուճն է:
Ի դեպ, դեռ հարց է, թե արդյոք ճի՞շտ է ասվում փոխված պարկուճի մասին, թե՞ կրկին գործ ունենք այլաբանության հետ:
2. Հայտարարվում էր, որ կոռուպցիան վերացել է, բայց պարզվեց, որ այդ վերացմանը նպաստող մարմիններից մեկն է թաթախվել կոռուպցիայի մեջ:
Ի դեպ, այդ մարմնի ղեկավարը հայտնի քայլարածական է:
3. Հայտարարվում էր, որ ԽԾԲ չի լինելու կադրային հարցերում, բայց պարզվեց, որ ԽԾԲ-ն կադրային քաղաքականության մեջ դոմինանտային նշանակություն է ստացել:
Ի դեպ, ընտանիքի անդամներին, մասնավորապես երկրի ղեկավարի կնոջն ու աղջկան ակտիվ հասարակական և քաղաքական դաշտ մղելու պրակտիկա կա Ադրբեջանում: Խոսքը Մեհրիբանի ու Լեյլայի մասին է: Եթե որոշել ենք հետ չմնալ, ապա ամեն ինչ ճիշտ է գնում:
Այս հակասությունների միասնության մեջ բնական է, որ բանաստեղծություն գրելու ցանկություն է առաջանում:
Անդրանիկ Թևանյանի ֆեյսբուքյան էջից
Հետևեք մեզ Viber-ում
