Ցրտահարություններ են սպասվում

Հայպետհիդրոմետը ներկայացրել է առաջիկա օրերի եղանակի կանխատեսումը։ Այսպես, մարտի 20-ին Սյունիքում և Արցախում սպասվում են տեղումներ, լեռնային և նախալեռնային շրջաններում՝ ձյան, հովտային գոտում՝ անձրևի տեսքով: Մարտի 21-24-ը սպասվում է առանց տեղումների եղանակ: Քամին՝ հյուսիս-արևմտյան՝ 3-8 մ/վ: Օդի ջերմաստիճանը մարտի 20-21-ը կբարձրանա 2-3 աստիճանով: Ամենաջերմ եղանակը կգրանցվի հինգշաբթիից կիրակի Արարատի և Արմավիրի մարզերում, ինչպես նաև Վայոց Ձորի նախալեռներում և Երևանում, որտեղ ջերմաստիճանը ցերեկային ժամերին կհասնի +12…+14 աստիճանի։ Երևանում, սակայն, առաջիկա 5 օրը գիշերային ժամերին սպասվում են ցրտահարություններ ընդհուպ մինչև …-2 աստիճան։