Եթե դատարանը թույլ չտա ապամոնտաժել, չեն ապամոնտաժվի. Վիկտոր Մնացականյան

Ապամոնտաժման ենթակա 5 սրճարաններից 2-ի Շոկոլադնիցա եւ «Մանտալ» ներկայացուցիչները դատարան են դիմել՝ ապամոնտաժման աշխատանքները կանխելու եւ գործունեությունը շարունակելու նպատակով:Երեւանի Կենտրոն վարչական շրջանի ղեկավար Վիկտոր Մնացականյանը, պատասխանելով հարցին, թե ի՞նչ է լինելու այն ժամանակ, եթե դատարանը վճռի, որ Օպերայի հարակից երկու սրճարանները չեն ապամոնտաժվելու, նշել է, որ ոնց օրենքն ասում է, այդպես է լինելու: «Եթե դատարանը թույլ չտա ապամոնտաժել, չեն ապամոնտաժվի: Մենք դրա համար տարբեր տարբերակներ ունենք: Դրա համար մենք չենք սպասում ամբողջին: Որը հնարավոր է՝ հիմա ապամոնտաժում ենք, բետոնային աշխատանքները մաքրելուց հետո կանցնենք կանաչապատմանը: 5-ից 3-ն արդեն ապամոնտաժվել են», – ասաց Մնացականյանը: