Ջուր չկա, արոտավայր չկա․ գյուղացիները` Փաշինյանին

Վարչապետ Նիկոլ Փաշինյանը քիչ առաջ առանց նախապատրաստությունների այցելել է ՀՀ գյուղերից մեկը, որտեղ շփվում է գյուղացիների հետ, ծանոթանում նրանց գյուղատնտեսական աշխատանքներին։ Մինչ բուն շփումները Փաշինյանը մտավ գյուղի խանութ, քաղցրավենիք գնեց երեխաների համար ու բաժանեց ճանապարհին նկատած երեխաներին։ Ապա մտավ գյուղացիներից մեկի տուն ու հետաքրքրվեց գյուղատնտեսական աշխատանքներով՝ կարտոֆիլի ցանքերով, ընտանիքի՝ արտագնա աշխատանքի մեկնած հոր գործերով և այլն։ Գյուղացիներից մի քանիսը բողոքեցին, որ գյուղը չունի արոտավայր ու ոռոգման ջուր։ Երբ եկավ գյուղապետը, ասաց, որ արոտավայր իրականում կա։ Գյուղացիներից մի քանիսը սկսեցին բողոքել, որ այդ արոտավայրից անասունները սոված են վերադառնում։