Ծանր իրավախախտումներ, որոնց պետք է տրվի պատշաճ գնահատական
Հետևելով հայտնի փաստաբան Ռուբեն Սահակյանի և ՀՔԾ հեռակա բանավեճին, ևս մեկ անգամ համոզվեցի, որ արդար և բազմակողմանի քննության համար առավել քան անհրաժեշտ է, որպեսզի պատասխան ստանան օրեր առաջ իմ կողմից ձևակերպված հարցերը. 1. Ովքե՞ր և ու՞մ ցուցումով են 2008-ին բանակցել ՊՆ երկու գեներալ փոխնախարարների հետ բանակը քաղաքական ընդդիմության կողմը և քաղաքական պրոցեսների մեջ ներքաշելու համար։ 2. Ովքե՞ր և ու՞մ ցուցումով են բանակցել մարտական ստորաբաժանումների, որոշ հրամանատարների հետ նրանց քաղաքական պորցեսների մեջ ներքաշելու համար։ Սրանք ծանր իրավախախտումներ են և սրանց պետք է տրվի պատշաճ գնահատական։ Հիմա մի պահ պատկերացրեք, եթե այսօր կամ վաղը ոմանք որևէ մարդկանց ցուցումով բանակցեն ՊՆ փոխնախարարների կամ զորամասերի հրամանատարների հետ՝ քաղաքական պրոցեսներին խառնվելու համար, գործող իշխանության դեմ դուրս գալու համար՝ ինչպես կորակվի այդ գործողությունները, և ինչ քայլեր կձեռնարկի պետությունը։ Մինչև այս հարցերին չտրվի հստակ պատասխան՝ հասարակությանը հնարավոր չի լինելու ապացուցել, թե քննությունը արդար է։ Էլինար Վարդանյան «Այլընտրանքային նախագծեր խումբ»
Հետևեք մեզ Viber-ում
