Եթե ժողովուրդը գնացել է հեղափոխության, ոչ թե պետք է կրճատումներ լինեն, այլ աշխատատեղեր լինեն. Գ. Ծառուկյան
ԱԺ-ում լրագրողների հետ զրույցում նշեց ԲՀԿ նախագահ Գագիկ Ծառուկյանը, անդրադառնալով պետական կառավարման համակարգում սպասվող շուրջ 10 հազար կրճատումներին, շեշտեց, որ եթե ժողովուրդն այսօր գնացել է հեղափոխության, ոչ թե պետք է կրճատումներ լինեն, այլ աշխատատեղեր լինեն, ներդրումներ լինեն, աշխատավարձի բարձրացում լինի, բանկի տոկոսների ցածրացում լինի, հարկերի նվազում լինի: «Չի կարելի դնել կրճատել եւ մարդիկ գործազուկ դառնան: Իհարկե դեմ ենք դրան: Թեկուզ 10 հազար մարդ, բայց 10 հազար չի, որովհետեւ 30 տոկոսը մոտավորապես 90 հազար մարդ է: Այդ 90 հազար մարդուն պետք է ապահովեն աշխատանքով, նրանք մեր հայրենակիցներն են: Այսօր մարդը ոչ թե պետք է գնա տունը նստի ու մտածի, թե տունը ոնց պահի, այլ եթե կրճատում են, թող մարդկանց աշխատանքով ապահովեն, մինչեւ լիարժեք աշխատատեղեր կլինեն: Թե չէ, մենք չենք կարող մասնակից լինենք այն բանին, որ ժողովուրդը սպասել է, որ պետք է ավելի լավ ապրի, աշխատավարձը պետք է բարձրանա, մարդը կարողանա իր վարկերն ու տոկոսները փակի»,-ասաց Ծառուկյանը:
Հետևեք մեզ Viber-ում
