«Ապամոնտաժումն անսպասելի չէր սրճարանատերերի համար»․ Հակոբ Կարապետյան

Քաղաքապետի մամուլի խոսնակ Հակոբ Կարապետյանը  Օպերայի տարածքում է,ոչտեղ առավոտից ընթանում են սրճարանների ապամոնտաժման աշխատանքներ: «Փետրվարի 13-ին ուղարկվել է ծանուցում այս տարածքի տնտեսվարողներին՝ խնդրանքով, որ ողջամիտ ժամանակահատվածում ազատեն իրենց գույքը և ինքնակամ մաքրեն տարածքն այդ կառույցներից։ Ողջամիտ ժամկետն անցել է, այսինքն՝ անսպասելի չէր կարող լինել այս գործողությունները»,- լրագրողների հետ զրույցում ասաց նա: «Տարվա ընթացքում կանաչապատման հետ մեկտեղ անցկացվելու է նաև բաց մրցույթ, որի ժամանակ կորոշվի տարածքի ճարտարապետական դիմագիծը։  Այս ծրագիրն իր մեջ ներառում է ոչ միայն կանչապատումը, այլև հարակից ճարտարապետական ձևավորումը, ինչպես նաև՝ Օպերայի տանիքը անտենաներից մաքրելու գործընթացը»,- ասաց Հ․ Կարապետյանը՝ հավելելով, որ այս փուլում քաղաքապետարանն, ընդամենը, ազատում է տարածքը՝ կանչապատում իրականացնելու համար։