«Ինձ համար դա կարևոր է»
Վարչապետ Նիկոլ Փաշինյանը կառավարության մարտի 7-ի նիստում անդրադարձավ հարկային փոփոխությունների արդյունքում տնայնագործական ալկոհոլային խմիչքների արտադրության հնարավորության ստեղծմանը: «Ինձ համար դա կարևոր է, նույն աղքատության հաղթահարման տրամաբանությամբ, որ մեր գյուղացիներին և քաղաքացիներին հնարավորություն ենք տալիս տնայնագործական ալկոհոլային խմիչքների օրինական առևտուր ծավալել և դրա շրջանակներում լինել առավելագույնս պաշտպանված: Մի կողմից քայլ ենք անում, որ անորակ օղիները շուկայից դուրս գան, էն, որ բաժակը բարձրացնում են, տնեցիքին «հաջող» անում, նոր խմում, մյուս կողմից ուզում ենք, որ այդ բացը լրացվի տնայնագործական ալկոհոլային խմիչքներով»,- ասաց նա: Փաշինյանը նշեց, որ օրինական, տան պայմաններում արտադրված օղին հայտնվի առևտրի ցանցում, շշալցմամբ, և այդ պայմաններում ուղղակի խանութներում օրինական վաճառվի:
Հետևեք մեզ Viber-ում
