Կա ֆորմալ գրանցված և ծրարով տրվող աշխատավարձ. Նիկոլ Փաշինյան
ՀՀ վարչապետ Նիկոլ Փաշինյանը կառավարության այսօրվա նիստում հայտնեց, որ իրենց հիմնական խնդիրներից մեկը հարկային համակարգի առավելագույն պարզեցումն է եղել, 23 տոկոս համահարթ եկամտահարկի սահմանումը: Նա նշեց՝ այսօր ՀՀ-ում կա ստվերային աշխատավարձի տրամաբանություն: «Եթե կառավարությունում եղել է, պետք է պատկերացնել, որ այլ մարմիններում էլ կա: Կա ֆորմալ գրանցված աշխատավարձ և ծրարով տրվող աշխատավարձ: Հույս ունենք, որ կխթանենք աշխատավարձերը հարկային դաշտ բերելը, դրա համար բարձր աշխատավարձերի եկամտահարկն իջեցնում ենք, քանի որ բարձր աշխատավարձերի մեծ մասը եկել, այդ 23 տոկոսի շեմի պռնկին կանգնել է և ոչ մի տեղաշարժ ցույց չի տալիս, սա տեղեկություն է, որ մեզ որոշակի մտածելու տեղիք է տալիս: Այս պրոցեսն էլ պետք է դինամիկ լինի, պետք է հասկանանք՝ ինչն ինչ արդյունքի է բերում և ինչ արձագանքի է արժանանում»,- ասաց նա: Կառավարության ղեկավարը հույս հայտնեց, որ իսկապես աշխատավարձերը ստվերից կանցնեն օրինական դաշտ:
Հետևեք մեզ Viber-ում
