Տղամարդիկ նույնպես այլ պարտականություններ ունեն՝ բացի պետական ծառայությունից. Փաշինյանը՝ Բաթոյանին
Այսօր կառավարության նիստի ժամանակ աշխատանքի և սոցիալական հարցերի նախարար Զարուհի Բաթոյանը նշեց, որ քանի որ վաղը մարտի 8-ն է, ցանկանում է իր համերաշխությունը հայտնել կառավարությունում աշխատող կանանց: «Բոլորս էլ գիտենք, որ կանայք նաև այլ պարտականություններ ունեն, բացի պետական ծառայությունից»,-ասաց Բաթոյանը: Բաթոյանն ամենօրյա աշխատանքի ու ավանդի համար շնորհակալություն հայտնեց կանանց, նշեց, որ տղամարդկանցից աջակցություն է ակնկալում՝ կանանց համար ազատ, ապահով միջավայր ստեղծելու գործում՝ նկատի ունենալով, որ հավասար հնարավորություններն աշխատանքի ոլորտում ենթադրում են նաև պարտականությունների հավասար բաշխում: ՀՀ վարչապետ Նիկոլ Փաշինյանը հումորով պատասխանեց, որ տղամարդիկ նույնպես այլ պարտականությոններ ունեն: . «Տղամարդիկ նույնպես ունեն այլ պարտականություններ, այնպես չէ, որ տղամարդկանց միակ պարտականությունը պետական ծառայությունն է»:
Հետևեք մեզ Viber-ում
