Այս տարի մի քանի անգամ հանդիպելու են․ Փաշինյանը հայտնել է` ինչ են խոսել Պուտինի հետ

Հայաստանի վարչապետ Նիկոլ Փաշինյանն այս տարվա ընթացքում մի քանի անգամ հանդիպում է ունենալու Ռուսաստանի նախագահ Վլադիմիր Պուտինի հետ, օրինակ՝ Եվրասիական տնտեսական միության գագաթաժողովի ժամանակ։ Այս մասին Փաշինյանը հայտնել է ռուսական ՏԱՍՍ-ին տված հարցազրույցում։ «Դրանից բացի, հուսով եմ՝ այս տարի տեղի կունենա Վլադիմիր Վլադիմիրովիչի պաշտոնական այցը Երևան և իմը՝ Մոսկվա», – ասել է Փաշինյանը։ Վարչապետը հայտնել է, որ նախորդ շաբաթ հեռախոսազրույց է ունեցել Պուտինի հետ, ու հանդիպումների կոնկրետ ժամկետները քննարկվել են նաև այդ խոսակցության ընթացքում։