Չեմ մտածել,թե  ով է «շպիոն».Նաիրա Զոհրաբյան

ԱԺ մարդու իրավունքների հանձնաժողովի նախագահ, ԲՀԿ խմբակցության պատգամավոր Նաիրա Զոհրաբյանը մտահոգ է և 10 հազար աշխատակիցների կրճատման հարցը  վաղը կառավարության հետ հարցուպատասխանի ժամանակ այդ հարցը բարձրացնելու է,այդ մասին ԱԺ-ում լրագրողների հետ զրույցում հայտարարեց Զոհրաբյանը: «Մտահոգիչ է նաև ձևակերպումը, որ այդ աշխատակիցների կրճատումը կնպաստի պետության շահին:Ինձ համար անհասկանալի ձևակերպում է, թե ինչպես կարող է 10 հազար մարդու կրճատումը, իսկ 10 հազար մարդ նշանակում է 10 հազար ընտանիք, նպաստել ՀՀ շահին»,-ասաց նա: Հարցին, թե ո՞ւմ նկատի ուներ Նիկոլ Փաշինյանը, երբ Սպահանում հայտարարեց ՀՀ գործող քաղաքական գործիչների մասին, որոնք ավելի շատ օտարերկրյա գործակալներ են, քան իրենց սեփական երկրի քաղաքացիներ,պատասխանեց.«Ինձ ևս՝ որպես ՀՀ քաղաքացի և պատգամավոր, հետաքրքիր է՝ ում նկատի ուներ Նիկոլ Փաշինյանը»: «Ես որպես մարդու իրավունքների հանձնաժողովի նախագահ շատ կարևոր գործեր ունեմ  և չեմ մտածել,թե  ով է «շպիոն»:Եթե մարդու իրավունքների հանձնաժողովում ԱԺ կանոնակարգով կավելացվի գործառույթ՝ բացահայտել քաղաքական գործիչ-գործակալներին, ես վստահեցնում եմ ձեզ՝ որպես պարտաճանաչ պատգամավոր, ես այդ խնդրով կզբաղվեմ»: