Ադրբեջանի արտգործնախարարը հայտնել է հայ միլիոնատիրոջ նկատմամբ «հաղթանակի» մասին

Ադրբեջանի արտգործնախարար Էլմար Մամեդյարովը՝ ելույթ ունենալով Բաքվում «Ադրբեջանի օկուպացված տարածքներում անօրինական տնտեսական և այլ գործունեությանը» նվիրված համաժողովին, հայտարարել է հայ միլիոնատիրոջ նկատմամբ «հաղթանակի» մասին: Նրա խոսքով՝ Ղարաբաղում «անօրինական» գործունեություն են ծավալում արտասահմանյան ընկերություններ, որոնց գործունեությունը պետք է դադարեցվի: «Օրինակ, շվեյցարական Frank Muller ժամացույցների ընկերությունը: Մենք հասել ենք այդ ընկերության անօրինական գործունեության դադարեցմանը»,- հայտարարել է Մամեդյարովը: Նա հավելել է, որ Հայաստանի կառավարությունը հայտնել է սիրիացի հայերի վերաբնակեցման մասին, ինչը «միջազգային կոնվենցիայի խախտում է»: Նշենք, որ շվեյցարական Frank Muller ժամացույցների ընկերության սեփականատերն է հայազգի գործարար, Շվեյցարիայի ամենահարուստ մարդկանցից մեկը՝ Վարդան Սրմաքեշը: