Պատերազմի 60 տոկոսը քո ուսերին մնաց. Վազգեն Սարգսյանը՝ Մանվել Գրիգորյանին
<<Էն վախտ, որ կռվում էիր թշմամու դեմ, դու Երկիրը պահեցիր: 94թ-ին պատերազմի 60 տոկոսը քո ուսերին մնաց: Ուզում եմ, որ բոլորն իմանան. դու հերոս ես Մանվել>>: Սրանք Սպարապետ Վազգեն Սարգսյանի խոսքերն են,ով, իրավամբ, ժլատ լինելով գովեստի խոսքեր շռայլելու մեջ, ի լուր աշխարհի և ի սարսափ թշնամու հայտարարել է, որ Արցախյան Հերոսամարտի հաղթանակի 60 տոկոսն ընկած է եղել գեներալ Մանվել Գրիգորյանի ուսերին: Այսօր ՀՀ Վարչապետի նախագահությամբ կառավարական հանձնաժողով է ստեղծվել՝ նշելու Վազգեն Սարգսյանի 60 ամյակը, իսկ Մանվել Գրիգորյանը շուրջ քսան ծանր հիվանդություններով հանդերձ շարունակում է մնալ կալանքի տակ: Եթե նրան մեղադրում են նախկինում կատարած հանցագործությունների, բացասական պահվածքի մեջ, ուրեմն պարտավոր են մեղադրել այդ ժամանակների բոլոր բարձրաստիճան իշխանավորներին, սկսած առաջին նախագահից ու Վազգեն Սարգսյանից: Թե չէ ներքնաշորերի ու տուշոնկաների սարքած գործը, մեղմ ասած, բարոյական չէ: Ինչպես և բարոյական չէ Սպարապետի 60 ամյակի կառավարական մակարդակով արարողությանը մասնակցել, իսկ Սպարապետի կողմից մեծարանքի ենթարկված հիվանդ մարդուն զնդանել ու խոշտանգել: Լևոն Բաղդասարյան Փաստաբան
Հետևեք մեզ Viber-ում
