Սկզբում անիմաստ «շուխուռ» եք անում, հետո նոր մտածում եք, թե ինչպես տակից դուրս գաք

2019թ-ի փետրվարի 2-ին ՀՀ Առողջապահության նախարարությունը հայտարարություն տարածեց այն մասին, որ «Հայաստանը Վրաստանին կտրամադրի 30.000 դոզա կարմրուկի պատվաստանյութ»։ https://lurer.com/?p=311329&l=am Այստեղ ինձ մոտ առաջացավ առաջին հարցը. Ինչպե՞ս ստացվեց, որ մեր երկիրը օգնություն է տրամադրում մեզանից մի քանի անգամ հարուստ, նավահանգիստ, ծովային բարիքներ, բերրի հող, շուրջ 8անգամ ավել զբոսաշրջիկ ու դեպի Եվրոպա առանց վիզային ռեժիմ ունեցող մեր հարևան պետությանը։ Մի շարք այլ հարցերի պարզաբանման նպատակով հարցում հղեցի Առողջապահության նախարարություն, որին պարտավոր էին պատասխանել 5 աշխատանքային օրվա ընթացքում։ Մինչ օրս պատասխան չեմ ստացել (կցում եմ հարցումս)։ Այնուհետև ինձ տեղեկություններ հասան, որ Վրաստանի Հանրապետությունը չի ընդունել և հետ է ուղարկել «Նվեր-Կարմրուկը»։ Դեռևս չգիտեմ նվերից հրաժարվելու պատրվակը, բայց բարձր եմ գնահատում Վրաստանի պատկան մարմինների աչալրջությունն ու սերը սեփական ժողովրդի հանդեպ (ուր էր թե մենք էլ Գարդասիլ-4-ը «նվեր» ստանալիս այդքան աչալուրջ լինեինք)։ 2019 թվականի մարտի երկուսին ՀՀ Առողջապահության նախարարությունը կատարում է իր հերթական, «երկար սպասված» հրապարակումը կարմրուկի մասին, որում մասնավորապես նշվում է. «Պատվաստումչստացածքաղաքացիներինառաջարկումեմդիմելտարածքայինպոլիկլինիկաևպատվաստվել»։ https://analitik.am/news/view/462457 Արդյոք իրադարձությունների այս հերթականությունը պատահականություն է, թե՞ …. Ի վերջո պատասխանատուները համարձակություն կգտնե՞ն խոստովանելու, որ Վրաստանից «մերժվածը» ցանկանում են «հմտորեն» «սաղացնել» մեր հայրենակիցների վրա։ Անհրաժեշտ է հասկանալ մի պարզ ճշմարտություն։ Մենք շնչում ենք մի օդ, որն աղտոտված է Երևանում գործող շուրջ 7բաց հանքերի արտանետումներով։ Մենք չենք սիրում զբաղվել սպորտով` դրա փոխարեն կազմակերպելով խորոված-խաշային party-երեկոներ։ Յուրաքանչյուրը կարող է շարունակել այս շարքը … Ուզում եք աշխարհի ամենաընտիր պատվաստանյութը բերեք, ուզում եք 7սարի հետևից անմահական ջուր բերեք, ուզում եք Սահարայի հսկա կանաչ օձի կենդանացնող թույնը բերեք, մենք չենք ունենա առողջ հասարակություն, եթե չզբաղվենք լուրջ խնդիրներով. էկոլոգիա, սնունդ, ջուր, սպորտ … Ինչպես ասել է Մահաթմա Գանդին մեր Առողջապահության նախարարությանը. սկզբում անիմաստ «շուխուռ» եք անում, հետո նոր մտածում եք, թե ինչպես տակից դուրս գաք։  Մարինա Խաչատրյան