Մահացել է «օրենքով գող» Ջեմո Թբիլիսկին

Իտալիայում 43 տարեկանում մահացել է «օրենքով գող» Ջեմալ Միքելաձեն (Ջեմո Թբիլիսկին), հայտնում է «Փրայմ-Քրայմ» գործակալությունը: Ինչպես հաղորդվում է` նրա մահվան հնարավոր պատճառը թմրանյութերի գործածման հետ կապված բարդություններն են: Նշվում է, որ ավելի վաղ՝ հունվարին, մահացել էր նրա եղբայրը՝ Ջեմալ Մամուկան: Ջեմալ Միքելաձեն հայտնի «օրենքով գող» Ջեմալ Միքելաձե ավագի (Արսենի) թագադրված որդիներից կրտսերն էր: Ջեմոյի գողական ակտիվության բարձրակետը եղել է 2011-2012 թվականներին, երբ մասնակցել է «գողական գերդաստանների կոնֆլիկտին»: Նա եղբոր հետ երկար ժամանակ եղել է Ռուսաստանի հանցավոր աշխարհի նախկին առաջնորդ, «օրենքով գող» Ասլան Ուսոյանի (Դեդ Հասանի) ընդդիմախոսների կողմում: 2016 թվականի վերջին նա արտահանձնվել է Իտալիա՝ տեղի իշխանությունների հարցմամբ: