Ո՞վ է Նիկոլ Փաշինյանին այցելած 4-ամյա Մարին. նկարներ

Երեկ վարչապետ Նիկոլ Փաշինյանը իր մոտ ընդունեց 4-ամյա Մարի Սահակյանին: Փետրվարի 21-ից համացանցում տարածվել է փոքրիկ Մարիի մասնակցությամբ տեսանյութ, որտեղ աղջնակը պատմում է Նիկոլ Փաշինյանին հանդիպելու երազանքի մասին: Armdaily.am-ի հետ զրույցում փոքրիկ Մարիի մայրը՝ Գոհար Առաքելյանը պատմել է, որ Մարին շատ է սիրում Նիկոլ Փաշինյանին, և նրա ամենամեծ երազանքը ծննդյան օրը՝ մարտի 1-ին վարչապետին հանդիպելն է եղել: Մարտի 1-ին Մարին դարձավ 4 տարեկան: Նա ապրում է Էջմիածին քաղաքում, հաճախում է Էջմիածնի թիվ 11 «Հասմիկ» մանկապարտեզ: Աղջնակի ծնողները՝ Գոհար Առաքելյանը և Ռուբեն Սահակյանը աշխատում են «Զվարթնոց» օդանավակայանի անվտանգության բաժնում: Մարին երազում է երգչուհի դառնալու մասին, իսկ արքայադստրերի մասին մուլտֆիլմերից ոգեշնչվելով՝ երազում է նաև թագուհի լինելու մասին