Սահմանադրական կարգի խափանման փորձ եղել է Լևոն Տեր-Պետրոսյանի ժամանակ.Հայկ Բաբուխանյան

Հարցազրույց   ՍԻՄ նախագահ, նախկին պատգամավոր/ՀՀԿ խմբակցություն/   Հայկ Բաբուխանյանի հետ/Մաս 1-ին/ -Ձեր կուսակցությունը վերջին 10 տարիներին համագործակցում էր ՀՀԿ-ի հետ,դուք այդ կուսակցությունով 2 թե 3 անգամ մասնակցել եք ԱԺ ընտրություններին,ՀՀԿ ցուցակում բավականին պատվավոր տեղում եք եղել,սա նշանակո՞ւմ է ,որ ՀՀԿ-ի կամ նախկին իշխանությունների հետ  կապված եք եղել և նրանց հետ հավասար կրում եք որոշակի պատասխանատվություն  այդ 10 տարիների համար: -Եթե ուզում եք ճշգրիտ լինել,ապա Հանրապետական կուսակցության հետ ընտրական գործընթացներում համագործակցում ենք 7 տարի՝2012 թվականից սկսած,եթե ուզում եք անցնել պատմության խորքերը,ապա դեռևս 1992 թվականին,լինելով ՍԻՄ կուսակցության  անդամ ,եղել են Հանրապետական կուսակցության պաշտոնաթերթի գլխավոր խմբագիրը: -Եվ հետո եղավ այն ,ինչի մասին մենք բոլորս գիտենք ձեր և հանրապետականի միջև: -Հրաշալի  է,ես ուղղակի ճշգրտեցի թվերը և տարիների քանակությունը:Ինչ վերաբերվում է պատասխանատվությանը,ապա մենք և ես անձամբ ,պատասխանատու եմ բոլոր այն քվեարկությունների,ելույթների համար,ինչ  արել ու ասել եմ: -Համագործակցությունը,անկախ նրանից,որ   հիմա իշխանության ,չեն շարունակուվո՞ւմ է,թե՞ ոչ: -Համագործակցությունը հիմնված չէր նրա վրա,որ ով իշխանության է ,կամ իշխանության չէ:Համագործակցությունը հիմնված էր 1990 -ական թվականներից սկսած,ընդհանուր,մոտիկ գաղափարախոսության վրա,որը հիմնվում է ազգային պահպանողական գաղափարախոսության հիման վրա: Եվ այդ ազգային պահպանողական գաղափարախոսությունը այն հիմքն է,որը թույլ է տալիս մեզ համագործակցել այս կամ այն կուսակցության հետ,այդ թվում և Հանրապետական կուսակցության հետ:Ինչպես հիտեք,Հանրապետական կուսակցությունը նժդեհյան կուսակցություն է,  այսինքն ընդունում է ազգային պահպանողական գաղափարախոսությունը որպես ծրագրի պլատֆորմ,դա մեզ հնարավորություն է տալիս համագործակցել: -Երկու օրից մարտի 1-ն է,մեծ քայլերթ է նախատեսվում,ինչ եք կարծում ,այս 10 տարիների ընթացքում մարտի 1-ի հետ կապված ի՞նչ տեղի ունեցավ,բացահայտումների մասով:Ի՞նչն է, որ հաղթահարված չէ,ի՞նչն է այսօր օրակարգային: -Բացահայտումների առումով ոչինչ տեղի չունեցավ,այսօր էլ ոչ ոք չգիտի ինչպես եղավ,որ զոհվեցին այն 10  ՀՀ քաղաքացիները ,որոնց մեջ կային և քաղաքացիական անձինք,և ոստիկաններ:Այդ առումով որևէ առաջընթաց,ցավոք չկա,չբացահայտվեց,թե կոնկրետ ով է կրում պատասխանատվություն:Այս ընթացքում տեղի ունեցավ քաղաքական հաշվերհարդար,այն մարդիկ, ովքեր այն ժամանակ փորձեցին իրականացնել նարնջագույն հեղաշրջում և իշխանության բերել լիբերալ արևմտամետ և ադրբեջանամետ Լևոն Տեր-Պետրոսյանին,նրանք  10 տարի անց  կարողացան իրականացնել նարնջագույն հեղաշրջման  երկրորդ փուլը  և որպես քաղաքական հաշվեհարդար ,այսօր մարտի 1-ը օգտագործվում է այդ նպատակով: -Այդ հայտարարությունը կարծում եք օդի մեջ կմնա՞,երբ առաջին նախագահին մեղադրում եք ադրբեջանամետ լինելու մեջ,միանգամից  կասեն ադրբեջանցիներին հաղթած նախագահին  ասում ենք ադրբեջանամետ: -Իր ժամանակ նա ստորագրել է 1997 թվականին մի հոդված,որը կոչվում է Խաղաղություն,թե պատերազմ,այդ հոդվածով նախատեսվում էր Ադրբեջանին նվիրել այն ազատագրված տարածքները և Արցախը,որպեսզի պատերազմ չսկսվի:Ես համարում եմ,և ոչ միայն ես,այն ժամանակ իր խմբակցության պատգամավորների մեծ մասը,համարեցին սխալ,այն ժամանակ ամբողջ ժողովուրդը ապստամբեց դրա դեմ՝համարելով դա ադրբեջանամետ դիրքորոշում:Հենց այդ հոդված,դիրքորոշման,քաղաքական կեցվածքի համար ,հեռացվեց իշխանությունից: -10 տարի այդ իշխանության կողքին եք եղել,ի՞նչն է խանգարում ,որ մարտի 1-ը իրենք բացահայտեին,ասում եք ,չբացահայտվեց:Ամեն ինչ արվեց,որ այսպես ասած ադրբեջանամետ իշխանությունը նորից գա իշխանության : -Ես քննիչ չեմ,քննչական գործողությունների վարպետություն չունեմ,հետևապես էլի հասցեատիրոջը պետք է հարց տալ,քննիչների գործն է բացահայտել հանցագործությունը,եթե տեղի է ունեցել: -Դուք ասում եք եղել է  սպանություն ,փաստ է,և չեն բացահայտել,բա այն 10 տարիների ընթացքում ինչու չի բացահայտվել: -Ես քննչական մարմինների գործողություններից տեղեկացված չեմ: -Հանրապետական կուսակցության առջև ինչո՞ւ այս հարցը չեք դրել: -Ինչ գիտեք ինչ ենք դրել,ինչ չենք դրել:Այլ հարց է ,որ այդ գործողությունները ինչքանով են դրանք հնարավոր բացահայտել կոնկրետ դեպքի առնչությամբ,կոնկրետ մեղավորին,ձգանը սեղմողին,այլ գործողություններ,որոնց արդյունքնում զոհվել են մարդիկ,դա շատ նուրբ աշխատանքն  ,որ պետք է ճիշտ հասցեատիրոջը դիմեք: -Քաղաքական պատասխանատուն այդ պահի քաղաքական իշխանությունն  է՝հանրապետական կուսակցությունը, ի դեմս Սերժ Սարգսյանի,ում հետ դուք համագործակցել եք,և ամենակարևոր հարցը իր պատասխանը չի ստացել: -Բազմաթիվ հարցեր կան և բազմաթիվ սպանություններ կան Լևոն Տեր-Պետրոսյանի ժամանակներից,երբ տասնյակներով շատ հայտնի մարդիկ,պաշտոնյաներ,վաստակավոր մարդիկ էին սպանվում և մինչև այսօր 25-30 տարի այդ պատասխանը չկա,քննչական մարմինները միշտ չէ,որ կարողանում են բացահայտել այս կամ այն գործը:Եթե դա քաղաքական հարց լինել,միտում ունենար,ապա 1 տարի է այս նոր իշխանություններին տված էր հնարավորություն՝բացահայտել:Եթե չեն բացահայտում,նշանակում է կամ իրենք էլ չեն ուզում, եթե վերցնում եքն կանխավարկած,որ չուզելով չի բացահայտվում,եթե վերցնում ենք հիմքը այն,որ հնարավոր չի եղել մինչև վերջին մանրութը ճշտել,թե ով է պատասխանատվությունը կրում այս կամ այն իրավիճակի համար,ուրեմն իրավական մարմինները ի վիճակի չեն եղել:Կրկնում եմ,Լևոն Տեր-Պետրոսյանի ժամանակներից կան անուններ՝Յուզբաշյան և այլն : -Վարդգես Պետրոսյան… -Շատ  մարդիկ կան,տասնյակներով մարդիկ են զոհվել,և այդ տասնյակներից ցավոք մինչև օրս շատերի մահը առեղծվածային է: -Հետո եկավ Ռոբերտ Քոչարյանը,հետո Սերժ Սարգսյանը,թող բացահայտեին,և այդ հարցերը չմնային: -Կարծում եմ,որ կան դեպքեր և ոչ միայն Հայաստանում,այլ աշխարհում,սպանությունը տեղի է ունենում,բայց կոնկրետ սպանողին չեն գտնում: -Տեղի են ունենում ընտրություններ,հետո հանրահավաքներ,հետո ինչ-որ գործողություններ,հետո մարտի 1,այս ամենը քաղաքակա՞ն է չէ՝այսինքն ընտրության և դրանից հետո տեղի ունեցած որոշակի գործողությունների արդյունք: -Դուք եթե քաղաքական հարց եք տալիս,ես դրա անունը ասացի,դա Լևոն Տեր-Պետրոսյանի կողմից և նրա թիկունքնում կանգնած արևմտյան որոշ ուժերի կողմից կազմակերպված հեղաշրջում էր ՝կոնկրետ նպատակով և հիմա էլ նույնն  է:Ինչ վերաբերում է կրիմինալիստիկական հարցերին ,ես մասնագետ չեմ: -Հիմա հասել ենք մի կետի ,մարտի 1-ի հետ կապված չորսի գործը,ինչպես նաև երկրորդ նախագահի հետ կապված գործը հայտնի է,ինչի՞ հետ եք համաձայն,ինչի՞ հետ ոչ: -Մենք համաձայն չենք,որ Հայաստանում լինեն քաղաքական հետապնդումներ,մենք համարում ենք,որ այն ինչ այսօր կատարվում է մարտի 1-ի շրջանակներում,դա քաղաքական հետապնդում է Ռոբերտ Քոչարյանի և այն երեք հանձնարարության հանդեպ:Այդ ողբերգությունը ողբերգություն է ոչ միայն այն մարդկանց համար ,ովքեր այդտեղ հարազատներ կորցրեցին,այլ նաև ազգի համար,ազգի զարգացման համար,ներազգային մթնոլորտի առումով մեծ ողբերգություն է,և կարծում եմ այս ձևով շահարկելը ճիշտ չէ: Սահմանադրական կարգի խափանման փորձ եղել է Լևոն Տեր-Պետրոսյանի և իր աջակից անձանց կամ քաղաքական ուժերի կողմից:Նրանք փորձեցին սահմանադրական կարգը խաթարել և ուժով վերցնել իշխանությունը,այն ինչ 10 տարի հետո արեց ներկայիս իշխանությունը: -Սա նշանակում է,որ Սերժ Սարգսյանը ձեզ չի լսել և Հանրապետական կուսակցությունը այս հարցում բարի է գտնվել և  ձեր մատնանշած մեղավորներին պատասխանատվության չեն կանչել: -Սերժ Սարգսյանի ժամանակ կար սուպեր դեմոկրատիա,այսինքն բաներ կային,որ իմ կարծիքով  պետությունը պետք է ավելի օրենքին համապատասխան խիստ ձևով մոտենար այդ իրավիճակներին կամ դրսևորումներին ,սակայն ՝  յուրաքանչուր նախագահ ունի կառավարելու իր ոճը և այո Սերժ Սարգսյանի ժամանակ այդ ոճը ինքը դրսևորեց,որ չի կարելի գնալ և նայել հետ,փորփրել անցյալը: -Ի՞նչ է ,եթե Սերժ Սարգսյանը այս հարցերին չի անդրադարձել,այս իշխանությունը իրավունք չունի՞ անելու,ճիշտ չի ,որ անդրադառնա և մեկնընդմիշտ այս հարցերի պատասխանը տալ և փակել այս հարցը: -Այնպես,ինչպես այսօր է արվում,այսինքն՝կալանավորում է  երկրի նախկին նախագահին ,երբեք Ռոբերտ Քոչարյանի հետ հարթ հարաբերությունների մեջ չեմ եղել,չեմ գտնում ,որ մեր այսօրվա գործընթացները նախ քաղաքական արդարածվածություն ունեն,երկրոդը իրավական դաշտի մեջ են:Այն գաղտնալսումները,որոնք դարձան հանրությանը հայտնի,այդ գաղտնալսումները ապացուցում են այն,որ այն ինչ կատարվում է  այսօր մարտի 1-ի շրջանակներում,ակնհայտորեն ունի քաղաքական պատվերի բնույթ,և ոչ միայն ներքաղաքական պատվերի,այլ նաև արտաքին այս կամ այն քաղաքական պատվերի նշույլներ: -Ինչո՞ւ այդ դեպքում Ռոբերտ Քոչարյանը,և ոչ հաջորդ նախագահը:Հարց է առաջանում,ինքն է եկել իշխանության : -Սկսենք նրանից՝ ինչու Խաչատուրովին,որովետև նրա նկատմամբ այդ քայլը միտւմնավոր հարված էր հասցվում ՀԱՊԿ-ին,այդպիսի հարված ՀԱՊԿ-ը ոչ մի տեղից դեռ չէր ստացել և կարծես թե ձայանագրություններից պարզ է դարձել,որ այդ օպերացիայի  բոլոր մասնակիցները գիտակցում  էին ում կամ ինչքանով են կարողանում վնասել:Նրանցից որոշները նախազգուշացնում էին,որ չի կարելի գնալ նման քայլերի,քանի որ դա ունի շատ լուրջ արտաքին քաղաքական հետևանքներ:Երկրորդը՝ ինչո՞ւ Քոչարյանին:Հավանաբար մի կողմից Քոչարյանի մեջ տեսնում էին մրցակից,և երրորդը … -Սա մյուսի նման մեծ կուսակցություն չունի,որ հայտարարում է,որ մենք ենք մեր սարերը… -Հայաստանում կուսակցությունը այդքան կարևոր չէ,որքան անձը:Սա մեկ:Երկրորդը՝Քոչարյանի պարագայում կա այսպես ասած համաշխարհային լիբերալ ուժերի կողմից վրեժխնդրության ձգտում,որովհետև նրանց չհաջոցվեց անել հեղաշրջում հենց Քոչարյանի դիմադրության պատճառով և այսօր ,երբ Լատինական Ամերիկայում,կամ որևէ տեղ  փորձում են անել նարնջագույն հեղաշրջումներ ,նրանք ուզում են ասել  ,որ գիտեք ինչ,եթե դուք անգամ այսօր դիմանաք ձեր պաշտոններին Սիրիայում,Վենեսուելայում,հապա կգա ժամանակ ,մենք կանենք այդ հեղաշրջումը և ձեզ դատելու ենք,որովհետև դուք մեզ խանգարեցիք դա անել այսինչ կամ այնինչ ժամանակ: -Դուք վստահ չեք,որ այդպիսի հեղաշրջումներ,ինչպես դուք եք ասում նարնջագույն ,հնարավոր չէ մի երկրում,եթե չկա դրա դրա հանրային պահանջը:Եթե հանրությունը ներդաշնակ լիներ իշխանության հետ,ապա դա չէր հաջողվի:Սա նշանակում է,որ այնքան  կուտակված  հակաիշխանական  էներգիա կար,որ դա ուղղակի շատ նպաստավոր էր,որ կայացավ: -Եթե դուք ուզում եք ասել,որ իշխանությունը ունեցել է իր սխալները,ակնհայտ է: Ցանկացած երկրում,ցանկացած իշխանություն,ունենում է իր սխալները,այդ թվում Սերժ Սարգսյանի իշխանությունը ունեցել է իր սխալները:Երկրորդը՝ցանկացած հասարակությանը և հանրությանը ցանկացած երկրում կարելի է մանիպուլացիաների ենթարկել,դրա համար կան շատ հզոր ինստիտուտներ, շատ մեծ փողեր,հզոր երկրներ,հզոր լծակներ և այն:Երրորդը՝այս ամենի կնկնողությունը կամ նախապատմությունը կա տարբեր երկրների պատմության մեջ,այսօր մենք տեսնում ենք դրա պատճենահանած վիճակը մեկ այլ երկրում: -Եթե մեր պարտքը չմեծանար Սերժ Սարգսյանի ժամանակ,այդպիսի գեներալիտետ չունենայինք,արտագաղթ չլիներ,այդ ամեն ինչը չէր լինի: -Ցանկացած երկրում կան դժվարություններ,մանավանդ այնպիսի երկրնեորւմ ,ինչպիսին Հայաստանն է:Արդպիսի երկրներ էլ շատ կան,որ ունեն արտաքին պարտք,այդպիսի երկրներից է ԱՄՆ-ը: Այդ ժողովուրդը այդ պարտքի համար չի ասում: -Որովհետև ապրում է բարեկեցիկ,չի արտագաղթում: -Ճիշտ եք,մենք եթե խոսենք միայն երշիկի մասին,պարտքի,ջինսերի մասին,շատ քիչ կլինի:Սահմանի մասին ,երբ պիտի խոսենք,սկսենք հիշել,ինչպես էր այն ժամանակ, ինչպես է այսօր,նորից վերակենդանացել է Լևոն  Տեր- Պետրոսյանի ժամանակվա թեզը՝հող խաղաղության դիմաց: -Ի դեպ ինքը հայտարարեց,որ իր հոգեզավակը չի:Հոդվածով հանդես եկավ,որ մենք նմանություն չունենք,Ղարաբաղի հարցում հայտնի էլ չի ինչ տեսակետ ունի :Դուք եք ասում ,որ նման  է,էլ չեմ ասում,որ միամիտ եք,որ կարծում եք,որ Նիկոլ Փաշինյանը կարող է ինչ-որ մեկի ազդեցության տակ լինել: Լևոն Տեր-Պետրոսյանն  է ասել: - Լևոն Տեր-Պետրոսյանին վաղուց չեմ հավատում,90-ականներից,այնպես ,որ մեջբերել իր խոսքերը որպես ճշմարտության մի դրվագ, չէի ցանկանա:Մենք պետք է կարողաննանք հասկանալ,թե ինչ է այսօր կատարվում մեզ հետ,և որտեղ ենք մենք:Ինչպես եղավ ,որ 2017-ին տարին դարձավ ճեղքումային,կամ հեղափոխական տնտեսության մեջ:Մենք ավարտեցինք տարին 7,5 տոկոս տնտեսական աճով,4 տոկոս նվազեցնելով աղքատության մակարդակը,տալով զարկ տնտեսության 10,5 տոկոս,արտաքին առևտրում թռիչքներ,օրինակ հունվարին 46 տոկոս արտահանվող ապրանքների աճ է եղել,այն դեպքում ,երբ 2018 –ի հունվարին ունեցանք   -15 տոկոս,46: -Բայց հայտնի էին կարուսելներ չէ:Ինչ-որ ապրանքներ բերում էին Հայստանում պտտեցնում էին:Ասպիսի բլեֆներ կային: -Մենք եթե խոսում ենք պետական թվերի մասին,ի դեպ այդտեղ ղեկավարությունը չի փոխվել,վիճակագրականը,ինչ տալիս է,մենք հավատում ենք:Կամ ասում ենք, չենք հավատում:Եթե ընդունում ենք այդ թվերը,ապա մենք 2017-ին ունեցել ենք թռիչքային հեղափոխական զարգացում,և 2018-ի առաջին ամիսները դրա շարունակությունն էին:Թե ում դուր չեկավ Հայաստանի այդպիսի զարգացման տենդենցները,ով շատ մտահոգվեց րանով,որ այդ տենդենցները  կարող են շարունակական լինել: Շարունակությունն ՝այստեղ Հարցազրույցը՝Նաիրա Բաղդասարյանի