Կիսվել լուրով

Ոստիկանության բաժնում արյունը պատերին էր ցփնված. Արամ Մանուկյանը մարտի 1-ից մանրամասներ է պատմում (տեսանյութ)

Поделиться

«Ժողովուրդ» օրաթերթը զրուցել է ՀԱԿ փոխնախագահ Արամ Մանուկյանի հետ: -Պարո՛ն Մանուկյան, 2008 թվականին տեղի ունեցած ցույցերից, հենց մարտի 1-ից ի՞նչ հիշողություններ ունեք: -Ամենածանր տպավորությունը գիշերվա հարձակումն էր: Մենք բոլորս 100-ներով, 1000-ներով այդ փետրվարյան ցուրտ օրերին գիշերում էինք Ազատության հրապարակում, բայց ամենամռայլը 1-ի գիշերն էր, երբ ոստիկանական շղթան ներխուժեց հրապարակ, օղակ ստեղծվեց վրանային քաղաքի շուրջ: Մենք արթնացանք: Տեր-Պետրոսյանը հրահանգեց միացնել խոսափողները, որպեսզի ժողովրդին դիմելու հնարավորություն լինի: Տեր-Պետրոսյանը դիմեց ցույցի մասնակիցներին մոտավորապես այսպիսի բառերով. «Միգուցե ոստիկանները մեզ ասելու բան ունեն: Պետք չէ խառնվել եւ շփոթվել»: Ժողովուրդը ոչ մի քայլ չձեռնարկեց, մի մասն էլ քնած էին վրաններում: Դա եղել է ժամը վեցն անց կես: Եւ Ոստիկանները չարձագանքեցին: Դրանից հետո սկսեց հարձակումը վրանների վրա, քնած մարդկանց վրա, սկսեցին վայրենավարի ջարդել մեր սարքերը, ապարատուրան, դինամիկները փշուր-փշուր էին անում ու գցում օպերայի աստիճաններից ներքեւ: Մարդիկ սկսեցին փախչել, որովհետեւ ուրիշ տարբերակ չկար. հարձակվողները վահաններով, մահակներով էին, իսկ քաղաքացիները՝ բաց ձեռքերով: Ոչ մի կրակոց չի եղել այդ ժամանակ: Ես, որքան որ հնարավոր էր, մնացի, բայց այնպիսի իրավիճակ էր, որ այդ պատը կարծես քեզ տանում էր: Մենք մոտ 6-8 հոգով գնացինք դեպի «Խնկո ապոր» գրադարան, փորձեցինք շունչ առնել: Չէր անցել 2 րոպե, ոստիկանները հասան նաեւ այդտեղ, սկսեցին քշել: Անցանք շենքերի հետեւ, էնտեղ էլ հասան, եւ մենք Հյուսիսային պողոտայով փորձեցինք հեռանալ ոստիկաններից, մինչդեռ մի քիչ ներքեւ` երկու կողմից, ոստիկանական մեքենաները եկան մեր առաջ, արդեն փախչելու տեղ չունեինք, եւ մահակներով հարձակվեցին մեզ վրա: Մեզ ոչխարների նման բռնեցին եւ շպրտեցին բեռնատար մեքենայի մեջ: Մինչեւ ոստիկանական բաժին տանելը, մեզ խփում էին: Իմ բախտը բերեց. ես հատակին էի պառկել, բայց մեր ընկերներին խփում էին՝ ջարդելով մատները, գլուխները: Մեզ տարան կենտրոնի ոստիկանություն: Այնտեղ արդեն դժոխք էր, տեղ չկար, արյունը պատերին ցփնված: Մեր ընկերներից Տիգրան Բաղդասարյանին տեսանք, չճանաչեցինք. գլուխը ամբողջությամբ արյան մեջ էր: Ժամը 4-ին մեր աղմուկներից հետո ինձ եւ Հրանտ Բագրատյանին թողեցին: Մենք այդ ընթացքում փորձում էինք բանակցություններ վարել իրենց հետ, որ մեղմ լինեին գոնե երեխաների եւ կանանց նկատմամբ: Ժուռնալիստներից Գագիկ Շամշյանի հետ պատին հենված էինք, ինքը ինձ տվեց իր ֆոտոապարատի չիպը: Ասաց. «Պարո՛ն Մանուկյան, Ձեզ կարող է մանրամասն չխուզարկեն, վերցրե՛ք»: Ես վերցրի, հետս դուրս հանեցի: Էդտեղից դուրս եկանք, եւ ես ու Հրանտ Բագրատյանը Գերմանիայի դեսպանատանը ասուլիս կազմակերպեցինք, որին մասնակցում էին Եվրամիության բոլոր դեսպանները: Ներկայացրինք այն ամենը, ինչը տեսել ենք ոստիկանական բաժիններում, որից հետո եկանք Մյասնիկյանի արձանի մոտ, ես ելույթ ունեցա: Գիշերը, երբ որոշեցինք տուն գնալ, արտակարգ դրություն հայտարարվեց ապօրինի, որի իրավունքը չուներ Ռոբերտ Քոչարյանը: Տուն գնալու ճանապարհին տեսա, որ մեր շենքը ամբողջովին շրջափակված է: Մեծ արագությամբ հեռացանք այդտեղից: Եղան մարդիկ, ընդ որում` ոստիկաններ, որոնք օգնեցին ինձ քաղաքից դուրս գալ, եւ ես այդ պայմաններում փախա եւ հետ վերադարձա օգոստոսի 23-ին՝ հռչակագրի օրը՝ հույս ունենալով, որ իմ հռչակած անկախության օրը ինձ չեն ձերբակալի, այդպես էլ եղավ: -Պարո՛ն Մանուկյան, վերջին շրջնում բացահայտվեց, որ անհամաչափ ուժ է կիրառվել ոստիկանության կողմից, սակայն այս մասով մեղադրյալներ չկան գործում ներգրավված: Սա ինչո՞վ կպայմանավորեք: -Կլինեն: Սպասե՛ք: Հիմա հետաքրքիր պրոցես է գնում, եւ ես կոչ եմ անում բոլոր ոստիկաններին, որոնք մասնակցել են այս օպերացիաներին, թող իրենք գնան ՀՔԾ, իրենք մեղայական գրեն: Եւ հիմա կա այդպիսի պրոցես: Կան մարդիկ, որոնք կամավոր գրում են, թե ինչ է տեղի ունեցել: Գրում են, որ իրենց ստիպել են, որ իրենց պարտադրել են ծեծել մարդկանց, ցուցմունք գրել կամ դատական վճիռ հրապարակել: Շատ լավ է, որ հիմա հնարավորություն կա դուրս գալ այդ մեղքի տակից, այդ խարանից: Մենք ցուցակները ունենք այդ մարդկանց, բոլոր կառույցներին ուղարկել ենք դա: Ուշ թե շուտ, մեղավորները դատվելու են: Մենք հետեւողական ենք լինելու, որ բոլոր գործերը բացվեն, քննվեն: Նույն բանը անելու է ՄԻԵԴ-ը: Մեր երկրի, մեր ժողովրդի, մեր իշխանության պարտքն է լուծել մարտի 1-ի խնդիրը: -Սերժ Սարգսյանը` որպես վկա, հարցաքննվեց մարտի 1-ի գործով: Չենք կարող չնշել, որ հասարակության մի մասը զարմացավ այդ կարգավիճակից: Այնինչ նշենք, որ Ռոբերտ Քոչարյանը միանգամից մեղադրյալի կարգավիճակով հարցաննվեց: Որքանո՞վ է սա օրինաչափ: -Ոչինչ: Իրենց խոսքով՝ օրենքի տառով կներխուժեն բոլոր հանցագործների տները, եւ մարդիկ պետք է պատմության, ազգի եւ Աստծո առաջ պատասխան տան: Ես վստահ եմ՝ ժամանակի ընթացքում կարգավիճակ կփոխվի Սերժ Սագսյանի մասով: Ժողովուրդը մի փոքր պետք է համբերատար հետեւի գործընթացներին՝ հավատալով, որ այս իշխանությունները կամք են արտահայտել եւ մինչեւ վերջ տանելու են այդ գործը: Այլ կերպ ես չեմ էլ պատկերացնում: Առավել մանրամասն` ArmLur.am-ի տեսանյութում:  

Поделиться
դիտվել է 48 անգամ
Հետևեք մեզ YouTube-ում Հետևեք մեզ Facebook-ում Հետևեք մեզ Telegram-ում Հետևեք մեզ Viber-ում
LIVE
Լրահոս
Ի՞նչ եղավ «մեկ քվեաթերթիկ չկեղծելու» երդումը. «Փաստ» Հետընտրական անոմալ զարգացումներ․ սա վտանգ է Փաշինյանը սա չի մարսելու․ Ռոբերտ Քոչարյան (video) Անբաշար․ սենց աջակցություն ունենաս ու 50 էլ չհավաքե՞ս (video) Ուժեղ կայծակի հետևանքով ենթակայան է վթարվել. 11 գյուղեր հոսանքազրկվել են Ծառուկյանն ընդդեմ Փաշինյանի և Հ1-ի. դատարանը վարույթ է ընդունել վարչապետի դեմ հայցը․ «Հետք» Իշխող թիմում մի քանի սցենար ունեն. «Հրապարակ» Ինչու՞ է նորընտիր խորհրդարանը ոչ լեգիտիմ. «Փաստ» Ի՞նչ կլինի, եթե Ռուսաստանը չճանաչի Հայաստանի ընտրությունների արդյունքները. «Փաստ» Այնթապում ծեծկռտուք է տեղի ունեցել. մանրամասներ Ռուսաստանից ժամանած ՀՀ քաղաքացիները ՔՊ-ի համակիրներ էին. «Հրապարակ» Ահռելի պաշարներ ենք կորցրել. հիմա ի՞նչ ենք ուզում. «Փաստ» Սահմանադրական «ծուղակը» և սատելիտների ինստիտուտը. «Փաստ» Կընդունի, բայց չի շնորհավորի. «Հրապարակ» Իշխանությունը ԲՀԿ-ի վերաբերյալ վաղուց որոշում ունի, սակայն ձգձգում է գործընթացը Ավտովթար՝ Երևանում. 4 վիրավորների մեջ կան անչափահասներ Էլեկտրաէներգիայի ընդհատումներ կլինեն․ հասցեներ Ժողովրդին համարում է կաշառակեր. կլինե՞ն դատական հայցադիմումներ. «Փաստ» Երևանում ձերբակալվել է մաթեմատիկոս և բլոգեր Միխայիլ Վերբիցկին Ինչպես կարող է «հաղթած» ուժն իրեն այսպես պահել. «Փաստ» Ո՞վ և ինչպե՞ս է փող աշխատում «Արևմտյան Ադրբեջան» միֆի վրա 30-ամյա տղամարդը «աջ աչքի հատակի ծակшծ-կտրшծ արյnւնահոսող վերք» ախտորոշմամբ հոսպիտալացվել է Կիրանցեցի Գոհար Վարդանյանին հեռացրել են աշխատանքից ընտրությունների մասին գրառման համար Հակառակ կողմին չի ներվում մի փոքր ավել տոնայնությունը. գործի են դրվում իրավապահ մարմինները. Տիգրան Քոչարյան Իշխանությանը մի քայլ է մնացել ընդդիմադիր քաղաքական խոսույթը քրեականացնելու համար. Աբրահամյան
ԱՄԲՈՂՋ ԼՐԱՀՈՍԸ
Ամենաընթերցվածները
«Պուտինը ժամանակ է տվել Փաշինյանին»․ Հայկ Այվազյան (video) 1 ՀՐԱՏԱՊ․ ՔՊ-ն չի հաղթել այս ընտրություններում․ Արամ Վարդևանյանը՝ ԿԸՀ-ի դիմաց՝ փաստերով (video) 2 ՇՏԱՊ․ Փողոցային պայքա՞ր․․․ Սամվել Կարապետյանը փակագծեր բացեց առաջիկա անելիքների մասին (video) 3 Խայտառակ ինֆորմացիա. ի՞նչ է հենց հիմա կատարվում Սյունիքում. դե ստացեք․ Անժելա Թովմասյան (video) 4 «Շուտով բերդում կլինես, այ կակադու»․ Ռուբեն Մխիթարյանի նոր երգը (video) 5
Շուտով
Հունիսի 12-ին՝ ժամը 15։00-ին, Հայելի ակումբի հյուրն է Արամ Գասպարի Սարգսյանը Հունիսի 12-ին՝ ժամը 14։00-ին, Հայելի ակումբի հյուրն է Կարինե Նալչաջյանը Հունիսի 12-ին՝ ժամը 13։00-ին, Հայելի ակումբի հյուրն է Հայկ Այվազյանը Հունիսի 11-ին՝ ժամը 14։00-ին, Հայելի ակումբի հյուրն է Ռուզան Ստեփանյանը Հունիսի 11-ին՝ ժամը 13։00-ին, Հայելի ակումբի հյուրն է Ալբերտ Բազեյանը Հունիսի 11-ին՝ ժամը 10։30-ին, Հայելի ակումբի հյուրն է Էդիկ Անդրեասյանը Հունիսի 11-ին՝ ժամը 11։30-ին, Հայելի ակումբի հյուրն է Աշոտ Անդրեասյանը Հունիսի 10-ին՝ ժամը 14։00-ին, Հայելի ակումբի հյուրն է Լևոն Զուրաբյանը Հունիսի 10-ին՝ ժամը 12։00-ին, Հայելի ակումբի հյուրն է Գյուլնարա Ալեքսանյանը Հունիսի 9-ին՝ ժամը 16։00-ին, Հայելի ակումբի հյուրն է Սուրեն Սուրենյանցը
Հետևեք մեզ Viber-ում https://cutt.ly/5wn8sJBS
Hayeli.am