Վերջին հաշվով ո՞վ է Հայկ Մարությանը,որոշողը Նիկոլ Փաշինյանն է. Սաթիկ Սեյրանյան (video)

Երևանի քաղաքապետ Հայկ Մարությանի որոշմամբ Բյուզանդի 1/3 շենքում գտնվող մի շարք լրատվականներ պետք է ազատեն իրենց զբաղեցրած տարածքները, քաղաքապետարանն արդեն ծանուցումներ է ուղարկել շենքում գտնվող բոլոր խմբագրություններին՝ «Հրապարակ» օրաթերթ, «ԱՌԿԱ» և «Նյութ» լրատվական գործակալություններ, «Հայելի» մամուլի ակումբ, «Անդին» գրական հանդես, և այլն, քաղաքապետը խմբագիրներին մի քանի օր ժամանակ է տվել տարածքն ազատելու համար։ Թեմայի շուրջ այսօր Հայելի ակումբում խոսելով Հայաստանի ժուռնալիստների միության նախագահ Սաթիկ Սեյրանյանը նշեց, որ սա նույն ձեռագիրն է, ինչ որդեգրել են նոր իշխանությունները քննադատական խոսքի նկատմամբ: Ժուռնալիստների միության նախագահը երեկ զանգահարել է քաղաքապետի ընդունարան և ցանկություն հայտնել հանդիպում-քննարկում Հայկ Մարությանի հետ, սակայն նրան մերժել են` ասելով, որ քաղաքապետը զբաղված է։ «Սա մամուլի նկատմամբ դիտավորյալ կազմակերպված քայլերից մեկն է կա՛մ բերել իշխանական դաշտ, կա՛մ դուրս եկեք։ Սա Հայկ Մարության անձի որոշումը չէ, ո՞վ է Հայկ Մարությանը վերջին հաշվով»: Առավել մանրամասն՝տեսանյութում.