Եթե խնդիր կա, ինչո՞ւ էդ խնդիրը չենք լուծում, ինչո՞ւ ենք թողնում, որ «Արմենիա» ԲԿ-ին այլ կազմակերպություններ սպասարկեն. Սանասարյան

Պետական վերահսկողական ծառայության պետ Դավիթ Սանասարյանն այսօր լրագրողների հետ զրույցում հերքեց տեղեկությունը, թե «Զորաշեն» ՍՊԸ–ի մատակարարած հեմոդիալիզի սարքավորումներում ֆիլտրերի խնդիր կան, որոնք վտանգավոր կարող են լինել հիվանդների առողջության համար: «Որ ասում են՝ էդ երկու ֆիրմաներն են լավագույնը, հիմա հարց եմ տալիս՝ «Արմենիա» ԲԿ-ին, «Էրեբունի» ԲԿ-ին ի՞նչ ֆիրմաներ են սպասարկում: Եթե խնդիր կա, ինչո՞ւ էդ խնդիրը չենք լուծում, ինչո՞ւ ենք թողնում, որ «Արմենիա» ԲԿ-ին այլ կազմակերպություններ սպասարկեն: Ես կրկնում եմ՝ մեր խնդիրը շատ կոնկրետ է: Մեր խնդիրը ոչ թե այս կամ այն ֆիրմայի մատակարարումն է, մենք նման մասնագիտական լիազորությունները չունենք, մեր խնդիրը գնումների մասին օրենքի տառը պահպանելն է, եւ պահպանելու ենք անկախ նրանից՝ ներկա, նախկին որեւիցե պաշտոնյա կամ որեւիցե անձ, բիզնես ցանկանում է, թե չէ»,– ասաց նա: