Հայկ Մամիջանյանը վթարի է ենթարկվել (լուսանկարներ)

Ավտովթարի է ենթարկվել ՀՀԿ երիտասարդական կազմակերպության նախագահ, պատգամավորի նախկին թեկնածու Հայկ Մամիջանյանը: Տեղեկությունը ԼՈւՐԵՐ.com-ի հետ զրույցում հաստատեց հենց Մամիջանյանը: Նրա փոխանցմամբ՝ ինքն է եղել ղեկին և իր կյանքին վտանգ չի սպառնում. «Ինձ հետ ամեն ինչ նորմալ է, փառք Աստծո, թեթև վնասվածքներ ունեմ: Այս պահին գտնվում եմ աշխատավայրում»,- ասաց նա: Նշենք, որ այսօր՝ փետրվարի 27-ին, խոշոր ավտովթար է տեղի ունեցել Արարատի մարզում։ Ժամը 10։25-ի սահմաններում Երևան քաղաքի Արաբկիր վարչական շրջանի բնակիչ՝ 29-ամյա Հայկ Մամիջանյանը Երևան-Երասխ ավտոճանապարհի 25-րդ կմ հատվածում, դեպի Երասխ ընթանալիս իր բարած Nissan Teana մակնիշի 36 AM 576 համարանիշի ավտոմեքենայով բախվել է երկաթե արգելապատնեշներին։ Բարեբախտաբար, զոհեր և վիրավորներ չեն եղել։ Բախման հետևանքով BMW-ն ու Nissan-ը հայտնվել են դաշտում, և ավտոմեքենաներն ամբողջովին վերածվել են մետաղե ջարդոնի։ Սոնա Հարությունյան Լուսանկարները՝ shamshyan.com-ի
