Նոր քաղաքական ուժ կստեղծվի
«Հրապարակ» թերթը գրում է. «Արցախի նախագահի խոսնակ Դավիթ Բաբայանը մտադիր է Պահպանողականների կուսակցություն ստեղծել։ Հայտարարության մեջ ասված է․ «Պատրաստվում ենք ակտիվ մասնակցություն ունենալ 2020 թ․ խորհրդարանական ընտրություններին: Ժողովրդի քվեն ստանալու եւ ԱԺ-ում ներկայացված լինելու դեպքում մենք հնարավորություն կունենանք ավելի արդյունավետորեն իրականացնել մեր ծրագրերը՝ ի շահ մեր ժողովրդի եւ հայրենիքի: Կուսակցության գաղափարախոսության հիմքում ընկած են ազգային արժեքների, մեծ զոհողությունների գնով ձեռք բերված հաջողությունների եւ հաղթանակների պահպանումը, նոր իրավիճակում նոր մարտահրավերներին արդյունավետորեն դիմակայելը․․․ Ներքաղաքական կյանքում որեւէ մեկին դեմ չենք եւ չենք համարում թշնամի, ավելին՝ անընդունելի ենք համարում մեր հասարակության ցանկացած երկպառակտում ու բեւեռացում»» ։ Մանրամասն` թերթի այսօրվա համարում:
Հետևեք մեզ Viber-ում
