Ովքե՞ր են «Իմ քայլը» խմբակցությունից այն «շատերը», որ կողմ են մարիխուանայի ապաքրեականացմանը

ԱԺ պատգամավոր Վահագն Թևոսյանը իր ֆեյսբուքյան էջում գրում է. «Ինձ հայտնի չէ՝ ովքեր են «Իմ քայլը» խմբակցությունից այն «շատերը», որոնք ըստ որոշ ԶԼՄ-ների տեղեկությունների կողմ են մարիխուանայի ապաքրեականացմանը, բայց ես էս թեմայով իմ անձնական կարծիքն ունեմ: Թեման դեռ շատ հում ա մեր հանրության համար, որպեսզի ժամանակավրեպ չհամարենք դրա ներառումը օրակարգ, լավագույն դեպքում, թերևս, միայն քննարկումային մակարդակով: Իսկ քննարկումային մակարդակները, որտեղ հնարավոր է՝ ներառվեն տեսական բազմազան պատկերացումներ ընդհուպ մինչև հարյուրամյա կտրվածքով, եկեք դադարենք նույնսկանացնել այսօրեական գործառույթային օրակարգերի հետ: Միայն այդ տարբերակով կկարողանանք ազատ ու անկաշկանդ քննարկել ցանկացած խնդիր՝ առանց դրա օրակարգայնության ջատագով լինելու վտանգի: Այսինքն այն, որ ես հնարավոր է ուզեմ քննարկել՝ իսկ լա՞վ բանաստեղծ է, արդյոք, Սևակը, բոլորովին չի նշանակում, որ ես ուզում եմ հանել նրան դպրոցական ծրագրից կամ ասենք հերքել նրա «Անլռելիում» նկարագրված պատմական իրողությունները»: