«Ո՛չ հաստատում եմ, ո՛չ հերքում եմ». Արտակ Զեյնալյանը՝ Քոչարյանի հետ հանդիպման փորձի մասին
Այսօր ԱԺ-ում լրագրողների հետ զրույցում արդարադատության նախարար Արտակ Զեյնալյանը հարցին՝ որքանով են համապատասխանում իրականությանը տեղեկությունները, թե ինքը փորձել է հանդիպել կալանավորված Ռոբերտ Քոչարյանին, սակայն մերժում է ստացել, պատասխանել է. «Քրեակատարողական հիմնարկները գտնվում են իմ ենթակայության տակ, և ես կարող եմ հանդիպել բոլորին և ծանոթանալ պայմաններին: Իսկ ում հետ եմ հանդիպել և ինչ պայմաններում եմ հանդիպել՝ հրապարկման ոչ ենթակա տեղեկություն է: Ես ոչ հաստատում եմ, ոչ հերքում, որովհետև այս տեղեկությունը փակ է»,- եզրափակեց նախարարը: Ռոբերտ Քոչարյանը դեկտեմբերի 7-ից «Երևան-Կենտրոն» քրեակատարողական հիմնարկում գտնվում է կալանքի տակ:
Հետևեք մեզ Viber-ում
