«Ինչո՞ւ Մհեր Եղիազարյանի մահվան օրը ՔԿՀ-ում բժիշկ չի եղել». Ն. Զոհրաբյան
«Օրեր առաջ Պաշտպանն անսպասելի այց կատարեց «Նուբարաշեն» ՔԿՀ ու պարզվեց, որ երբ մահանում էր 44 օր հացադուլի մեջ գտնվող Մհեր Եղիազարյանը, տվյալ պահին էնտեղ չի եղել բժիշկ, որպեսզի կարողանար անհրաժեշտ բուժօգնություն ցույց տար մի կալանավորի, ով նախապես հայտարարել էր, որ ունի առողջական լուրջ խնդիրներ: Հնարավոր չէ՞ վերանայել մոտեցումն ու ադեկվատ լինել օրվա պահանջին»,-ԱԺ մարդու իրավունքների պաշտպանության և հանրային հարցերի մշտական հանձնաժողովում ընթացող քննարկման ժամանակ դիմելով ՀՀ արդարադատության նախարար Արտակ Զեյնալյանին, հարցրեց հանձնաժողովի նախագահ Նաիրա Զոհրաբյանը: «Սննդից ու ջրից հրաժարվելը մարդու իրավունքն է, նա իր կամքով է գնում այդ քայլին: Անձը տեղափոխվել է ՔԿՀ՝ արդեն հայտարարված հացադուլի պայմաններում: Մենք ներկայացրել ենք տեղեկանք՝ ի՞նչ միջամտություններ են արվել, քանի՞ անգամ է բժշկական զննություն անցել: Դեպքից երկու օր առաջ ևս հետազոտություններ են կատարվել: Այժմ քննություն է իրականացվում մահվան հանգամանքները բացահայտելու ուղղությամբ: Եթե կան մեղավորներ, պատասխանատվության կենթարկվեն»,- ասաց նախարարը:
Հետևեք մեզ Viber-ում
