Ինչ խնդիրներ ունեն ՀՀ ՔԿՀ-ները

Մարդու իրավունքների պաշտպանության և հանրային հարցերի մշտական հանձնաժողովի այսօրվա նիստին մասնակցող ՀՀ արդարադատության նախարար Արտակ Զեյնալյանը խոսել է այն մասին, թե ինչ խնդիրներ ունեն ՀՀ ՔԿՀ-ները: «Հիմնական խնդիրներից է ՔԿՀ-ների ծանրաբեռնվածությունը: 2018 թվականին ձևավորված կառավարությունն իր առջև խնդիր է դրել լուծել գերծանրաբեռնվածության խնդիրը: Մենք ՔԿՀ-ներում կարող ենք պահել 5300-ի չափ կալանավոր: Այսօր 2266-ի չափ դատապարտյալ և կալանավոր կա քրեակատարողական հիմնարկներում, որոնցից 963-ը՝ կալանավոր, 1303-ը՝ դատապարտյալ: Այս պահին 10 դատապարտյալ հացադուլ է իրականացնում»,-ասել է արդարադատության նախարարը: Ըստ Արտակ Զեյնալյանի` ի հայտ են բերվել կտրող-ծակող 27 գործիքներ: Ոգելիչ խմիչքներ չեն հայտնաբերվել: Հայտնաբերումներ են եղել նաև բջջային հեռախոսների մասով: Ինչ վերաբերում է քաղաքացիական հիվանդանոցներում բուժվողներին, ապա նրանց թիվը 8 է: