«Արաբական երկրից մեկում է ».Վանեցյանը՝ Լևոն Սարգսյանի գտնվելու մասին

«Արամ Հարությունյանը Հայաստանի պետական սահմանը օրինական ճանապարհով չի հատել, իսկ  Արա Մինասյանը և Լևոն Սարգսյանն օրինական ճանապարհով հատել են ՀՀ պետական սահմանը: Այն ժամանակ իրենց նկատմամբ որևէ խափանման միջոց կիրառված չի եղել և ես, որպես ԱԱԾ ղեկավար, որն ի պաշտոնե պատասխանատու է նաև սահմանագետների աշխատանքների հետ կապված, որևէ լիազորություն չունեի քաղաքացու ազատ տեղաշարժվելու սահմանդրական իրավունքը խոչընդոտելու»,- մի քանի աղմկահարույց քրեական գործերով մեղադրյալները հետախուզման մեջ են՝ մասնավորպես Արա Մինասյանը, Արամ Հարությունյանը, Լևոն Սարգսյանը,  տեղեկություններ ունե՞ք՝ նրանք սահմանային անցակետերը հատե՞լ են, թե՞ ոչ, նման պատասխան տվեց ԱԱԾ տնօրեն Արթուր Վանեցյանը: «ԱԱԾ-ում գիտեն, թե որտեղ է այժմ գտնվում Լևոն Սարգսյանը, բայց նրան Հայաստան վերադարձնելն այնքան էլ հեշտ չէ։ Արաբական երկրից մեկում է գտնվում։ Գիտենք` մարդը ապրում է այսինչ երկրում, այսինչ հասցեում»,-հավելեց Վանեցյանը: ԱԱԾ տնօրենը նշեց, որ ՀՀ քաղաքացիների արտահանձնումը բարդ ընթացակարգ է։ Դա այնքան էլ հեշտ չէ։ Բայց իրավապահներն այդ ուղղությամբ աշխատում են։